Soumitra.Pote@timesgroup.com
Tweet : @soumitrapoteMT
येत्या वर्षांत खूप वेगळ्या विषयांवरील सिनेमे प्रेक्षकांसमोर येणार आहेत. त्यातल्या अनेक महत्त्वाच्या व्यक्तिरेखांना रंगरुप देण्याचं काम करतायत ज्येष्ठ मराठी रंगभूषाकार विक्रम गायकवाड.
डिसेंबर उजाडला की बॉलिवूडप्रेमींना पुढच्या वर्षाचे वेध लागलेले असतात. नव्या वर्षातला सगळा लेखाजोखा या मंडळींकडे असतो. आगामी २०१७ हे वर्षंही याला अपवाद नाहीय. या सर्वांत मराठी मनाला हुरुप आणणारी बाब अशी, की येत्या वर्षातल्या अनेक चित्रपटांमध्ये अस्सल मराठमोळा फॅक्टर कॉमन असणार आहे. तो असा, की या सिनेमांच्या रंगभूषेची जबाबदारी असणार आहे ती राष्ट्रीय पुरस्कारप्राप्त रंगभूषाकार विक्रम गायकवाड यांच्याकडे.
येत्या वर्षात खूप वेगळे विषय हिंदी सिनेसृष्टीत येतायत. अनेक महत्त्वाचे जीवनपटही नव्या वर्षात पाहायला मिळतील. या सगळ्यावर विक्रम गायकवाड यांचा हात फिरणार आहे. यात महत्त्वाची फिल्म असणार आहे, मधुर भंडारकर यांची ‘इंदू सरकार’. आणीबाणीवर बेतलेल्या या चित्रपटातल्या कलाकारांची नावं अद्याप गुलदस्त्यात आहेत. प्रियांका चोप्रा यात एका महत्त्वाच्या भूमिकेत असेल. जवळपास १९७५ पासून पुढे २१ महिन्यांचा काळ या चित्रपटात दिसेल. साहजिकच, इंदिरा गांधी यांचे सगळे राजकीय मित्र, त्यांचं कुटुंब पडद्यावर उतरवावं लागणार आहे. त्याच धर्तीवर राजकुमार हिरानी यांच्या संजय दत्तवर बेतलेल्या चित्रपटाची तयारीही पूर्णत्वाला आली आहे. संजय दत्तच्या भूमिकेसाठी रणबीर कपूरची निवड झाली आहे. या सिनेमात सुनील दत्त, नर्गिसपासून मान्यता दत्तपर्यंत अनेक व्यक्तिरेखा पाहायला मिळणार आहेत. महेश मांजरेकरही सध्या झाशीच्या राणीवर चित्रपट बनवत असून, या महत्त्वाकांक्षी चित्रपटाची जबाबदारीही महेश यांनी विक्रम यांच्यावरच सोपवली आहे. यांसह राकेश ओमप्रकाश मेहरा यांचा ‘फने खान’, नंदिता दास यांचा सआदत हसन मंटोच्या कथांवर बेतलेला ‘मंटो टेल्स’ यांचा समावेश होतो. यांसह अमिताभ बच्चन आणि आमीर खान यांची ऑनस्क्रीन केमिस्ट्री आपल्याला दिसणार आहे ती ‘यशराज’च्या ‘ठग’ या सिनेमातून. याचीही रंगभूषा विक्रम यांच्याकडे आहे. तर मजिद माजिदी यांचं दिग्दर्शन असलेल्या सिनेमाचं कामही त्यांच्याकडेच आलं आहे.
आगामी वर्ष माझ्यासाठी खूप महत्त्वाचं वर्षं असणार आहे. या प्रत्येकाचं काम वेगळं आणि तितकंच जबाबदारीचं आहे. त्यामुळे काम करायला मजाही येईल. राजू हिरानी यांचा संजय दत्त यांच्यावरचा सिनेमा असो किंवा मधुर यांचा इंदू सरकार असो.. या सिनेमात खूप मोठी-मोठी माणसं त्याबरहुकूम दाखवायची जबाबदारी आहे. शिवाय ‘ठग’ची गोष्टही फारच रंजक आहे. त्या सिनेमाची रंगभूषा करण्याचं आव्हान मला असेल. माजिदी यांचा सिनेमाही करायला मिळणं माझ्यासाठी आनंदाची बाब आहे. बाकी इतर छोटे मोठे सिनेमे आहेतच.
- विक्रम गायकवाड, रंगभूषाकार
Tweet : @soumitrapoteMT
येत्या वर्षांत खूप वेगळ्या विषयांवरील सिनेमे प्रेक्षकांसमोर येणार आहेत. त्यातल्या अनेक महत्त्वाच्या व्यक्तिरेखांना रंगरुप देण्याचं काम करतायत ज्येष्ठ मराठी रंगभूषाकार विक्रम गायकवाड.
डिसेंबर उजाडला की बॉलिवूडप्रेमींना पुढच्या वर्षाचे वेध लागलेले असतात. नव्या वर्षातला सगळा लेखाजोखा या मंडळींकडे असतो. आगामी २०१७ हे वर्षंही याला अपवाद नाहीय. या सर्वांत मराठी मनाला हुरुप आणणारी बाब अशी, की येत्या वर्षातल्या अनेक चित्रपटांमध्ये अस्सल मराठमोळा फॅक्टर कॉमन असणार आहे. तो असा, की या सिनेमांच्या रंगभूषेची जबाबदारी असणार आहे ती राष्ट्रीय पुरस्कारप्राप्त रंगभूषाकार विक्रम गायकवाड यांच्याकडे.
येत्या वर्षात खूप वेगळे विषय हिंदी सिनेसृष्टीत येतायत. अनेक महत्त्वाचे जीवनपटही नव्या वर्षात पाहायला मिळतील. या सगळ्यावर विक्रम गायकवाड यांचा हात फिरणार आहे. यात महत्त्वाची फिल्म असणार आहे, मधुर भंडारकर यांची ‘इंदू सरकार’. आणीबाणीवर बेतलेल्या या चित्रपटातल्या कलाकारांची नावं अद्याप गुलदस्त्यात आहेत. प्रियांका चोप्रा यात एका महत्त्वाच्या भूमिकेत असेल. जवळपास १९७५ पासून पुढे २१ महिन्यांचा काळ या चित्रपटात दिसेल. साहजिकच, इंदिरा गांधी यांचे सगळे राजकीय मित्र, त्यांचं कुटुंब पडद्यावर उतरवावं लागणार आहे. त्याच धर्तीवर राजकुमार हिरानी यांच्या संजय दत्तवर बेतलेल्या चित्रपटाची तयारीही पूर्णत्वाला आली आहे. संजय दत्तच्या भूमिकेसाठी रणबीर कपूरची निवड झाली आहे. या सिनेमात सुनील दत्त, नर्गिसपासून मान्यता दत्तपर्यंत अनेक व्यक्तिरेखा पाहायला मिळणार आहेत. महेश मांजरेकरही सध्या झाशीच्या राणीवर चित्रपट बनवत असून, या महत्त्वाकांक्षी चित्रपटाची जबाबदारीही महेश यांनी विक्रम यांच्यावरच सोपवली आहे. यांसह राकेश ओमप्रकाश मेहरा यांचा ‘फने खान’, नंदिता दास यांचा सआदत हसन मंटोच्या कथांवर बेतलेला ‘मंटो टेल्स’ यांचा समावेश होतो. यांसह अमिताभ बच्चन आणि आमीर खान यांची ऑनस्क्रीन केमिस्ट्री आपल्याला दिसणार आहे ती ‘यशराज’च्या ‘ठग’ या सिनेमातून. याचीही रंगभूषा विक्रम यांच्याकडे आहे. तर मजिद माजिदी यांचं दिग्दर्शन असलेल्या सिनेमाचं कामही त्यांच्याकडेच आलं आहे.
आगामी वर्ष माझ्यासाठी खूप महत्त्वाचं वर्षं असणार आहे. या प्रत्येकाचं काम वेगळं आणि तितकंच जबाबदारीचं आहे. त्यामुळे काम करायला मजाही येईल. राजू हिरानी यांचा संजय दत्त यांच्यावरचा सिनेमा असो किंवा मधुर यांचा इंदू सरकार असो.. या सिनेमात खूप मोठी-मोठी माणसं त्याबरहुकूम दाखवायची जबाबदारी आहे. शिवाय ‘ठग’ची गोष्टही फारच रंजक आहे. त्या सिनेमाची रंगभूषा करण्याचं आव्हान मला असेल. माजिदी यांचा सिनेमाही करायला मिळणं माझ्यासाठी आनंदाची बाब आहे. बाकी इतर छोटे मोठे सिनेमे आहेतच.
- विक्रम गायकवाड, रंगभूषाकार