Malala: 'झिरो' पाहून मलाला म्हणाली, शाहरुखला भेटायचंय!

नवी दिल्ली: 'झिरो' चित्रपटातील शाहरुख खान आणि अनुष्का शर्माच्या भूमिकांचं कौतुक होत असतानाच नोबेल पुरस्कार विजेती मलाला युसुफजाई सुद्धा 'झिरो'तील शाहरुखच्या कामावर फिदा झाली आहे. 'झिरो' पाहिल्यानंतर शाहरुखला भेटण्याची इच्छा तिने व्यक्त केली आहे. चित्रपट समीक्षक फरिदून सहरियार यांनी मलालाचा एक व्हिडिओ व्हायरल केला आहे. त्यात 'झिरो'चं कौतुक करताना ती दिसत आहे. 'शाहरुख खान तुमचा चित्रपट जबरदस्त आहे. हा सिनेमा प्रचंड मनोरंजक आहे. माझ्या संपूर्ण कुटुंबाला तुमचा चित्रपट आवडला. मी तुमची प्रचंड चाहती आहे. तुमच्यासोबत ट्विटरवर चॅट करून खूप आनंद झाला. तुम्ही ब्रिटनला याल तेव्हा आपली भेट होईल, अशी आशा आहे. तुम्ही खूपच चांगले आहात. तुमचे खूप खूप आभार,' असं मलालाने या व्हिडिओत म्हटलं आहे.


शाहरुखच्या 'झिरो'ने पहिल्याच दिवशी बॉक्स ऑफिसवर २० कोटी १४ लाखाचा गल्ला जमवला आहे. आनंद एल. राय यांनी दिग्दर्शित केलेल्या या सिनेमात शाहरुखने बुटक्या माणसाची तर अनुष्काने अपंग शास्त्रज्ञाची भूमिका साकारली आहे.