नवी दिल्ली :
बॉलिवूडची हॉटेस्ट गर्ल, अभिनेत्री मल्लिका शेरावत आर्थिक चणचणीमुळे रस्त्यावर आली आहे. भाडे थकविल्यामुळे फ्रेंच कोर्टाने मल्लिकाला पॅरिस येथील घर खाली करण्याचे आदेश दिले आहेत. त्यामुळे मल्लिकाला आता नवे घर शोधावे लागणार आहे.
मल्लिका तिचा बॉयफ्रेंड सायरिल ऑक्सनफँससोबत पॅरिसच्या १६, एरांडिस्मेंट अपार्टमेंटमध्ये राहते. तिच्यावर घराच्या भाड्यापोटीचे ६४ लाख रुपये थकविल्याचा आरोप आहे. हे दोघंही जानेवारी २०१७ पासून येथे राहतात. भाडे थकविल्यामुळे घरमालकाने कोर्टात धाव घेऊन मल्लिकाला घरातून बाहेर काढण्याची मागणी केली होती. 'मल्लिकाने कधीच वेळेवर भाडे दिले नाही. घराचं भाडं महिन्याला ४ लाख ६० हजार ९४६ रुपये असताना तिने आतापर्यंत केवळ २ लाख ६ हजार ७१७ रुपयेच भरले आहेत,' असा दावा घरमालकाने केला होता. याप्रकरणी कोर्टाने १४ डिसेंबर रोजी मल्लिकाला नोटीसही पाठवली होती. त्यात दोघांना थकविलेले भाडे भरण्याचे आदेश देण्यात आले होते. मात्र या दोघांनी या नोटीशीला काहीच उत्तर दिलं नव्हतं. त्यामुळे कोर्टाने अखेर त्यांना घर खाली करण्याचे आदेश दिले.
दरम्यान, १४ डिसेंबर रोजी झालेल्या सुनावणीवेळी मल्लिकाच्या वकिलाने मल्लिका आर्थिक अडचणीत असल्याचं कोर्टासमोर सांगितलं होतं. नियमितपणे कामं मिळत नसल्याने मल्लिका आर्थिक अडचणीत आली आहे. त्यामुळे ती भाडं भरू शकली नसल्याचं तिच्या वकिलाने कोर्टाला सांगितलं होतं.
बॉलिवूडची हॉटेस्ट गर्ल, अभिनेत्री मल्लिका शेरावत आर्थिक चणचणीमुळे रस्त्यावर आली आहे. भाडे थकविल्यामुळे फ्रेंच कोर्टाने मल्लिकाला पॅरिस येथील घर खाली करण्याचे आदेश दिले आहेत. त्यामुळे मल्लिकाला आता नवे घर शोधावे लागणार आहे.
मल्लिका तिचा बॉयफ्रेंड सायरिल ऑक्सनफँससोबत पॅरिसच्या १६, एरांडिस्मेंट अपार्टमेंटमध्ये राहते. तिच्यावर घराच्या भाड्यापोटीचे ६४ लाख रुपये थकविल्याचा आरोप आहे. हे दोघंही जानेवारी २०१७ पासून येथे राहतात. भाडे थकविल्यामुळे घरमालकाने कोर्टात धाव घेऊन मल्लिकाला घरातून बाहेर काढण्याची मागणी केली होती. 'मल्लिकाने कधीच वेळेवर भाडे दिले नाही. घराचं भाडं महिन्याला ४ लाख ६० हजार ९४६ रुपये असताना तिने आतापर्यंत केवळ २ लाख ६ हजार ७१७ रुपयेच भरले आहेत,' असा दावा घरमालकाने केला होता. याप्रकरणी कोर्टाने १४ डिसेंबर रोजी मल्लिकाला नोटीसही पाठवली होती. त्यात दोघांना थकविलेले भाडे भरण्याचे आदेश देण्यात आले होते. मात्र या दोघांनी या नोटीशीला काहीच उत्तर दिलं नव्हतं. त्यामुळे कोर्टाने अखेर त्यांना घर खाली करण्याचे आदेश दिले.
दरम्यान, १४ डिसेंबर रोजी झालेल्या सुनावणीवेळी मल्लिकाच्या वकिलाने मल्लिका आर्थिक अडचणीत असल्याचं कोर्टासमोर सांगितलं होतं. नियमितपणे कामं मिळत नसल्याने मल्लिका आर्थिक अडचणीत आली आहे. त्यामुळे ती भाडं भरू शकली नसल्याचं तिच्या वकिलाने कोर्टाला सांगितलं होतं.