बापरे, मनीषा कोईराला कशी दिसतेय बघा!

मटा ऑनलाइन वृत्त । मुंबई

बॉलिवूड अभिनेत्री मनीषा कोईरालाला दुर्धर अशा कॅन्सरनं ग्रासलं होतं, हे तुम्हाला ठाऊक असेलच. या आजारातून ती पूर्णपणे बरी झाल्याची बातमीही तुमच्यापर्यंत पोहोचली असेल. त्यामुळे बातमीचं शीर्षक वाचून तुम्ही गोंधळून जाणं स्वाभाविकच आहे. शेजारचा फोटो पाहूनही तुम्ही बुचकळ्यात पडला असाल. पण हे नेमकं काय प्रकरण आहे, याची माहिती आम्ही तुम्हाला देणार आहोत.

४६ वर्षांची मनीषा कोईराला बॉलिवूड पुनरागमनासाठी सज्ज झाली आहे. रणबीर कपूर आणि दिया मिर्झाची प्रमुख भूमिका असलेल्या संजय दत्तच्या चरित्रपटात मनीषाही दिसेल, असं कळतं. या सिनेमात ती संजय दत्तच्या आईची, नर्गिस दत्त यांची भूमिका साकारणार असल्याची बातमी आतल्या गोटातून समजलीय. त्यामुळे खालचा व्हिडिओ पाहून दचकू-बिचकू नका.



प्रत्यक्षात, कॅन्सरवर मात केल्यानंतर मनीषाची तब्येत झपाट्यानं सुधारतेय. तिचं सौंदर्य अधिकच खुललेलं दिसतंय. इम्तियाज अलीच्या 'डीअर माया' या सिनेमात ती मध्यवर्ती भूमिकेत दिसणार आहे. मनीषानं काही दिवसांपूर्वीच इन्स्टाग्रामवर शेअर केलेले तिचे फोटो खास तिच्या चाहत्यांसाठी....