'मीटू'मुळे मानसिकता बदललीः सनी लिओनी

नवी दिल्लीः बॉलिवूडमध्ये वादळासारख्या आलेल्या मीटू मोहिमेमुळे मानसिकता बदलल्याची कबुली अभिनेत्री सनी लिओनी हिने दिली आहे. मीटू मोहिमेमुळे बॉलिवूडमध्ये झालेल्या बदलांविषयी सनी लियोनीला विचारण्यात आले. त्यावेळी मीटू मोहिमेविषयीची मते सनी लिओनीने मोकळेपणाने मांडली.

मी आभासी जगात जगते. मीटू मोहिमेमुळे महिला सशक्तीकरण आणि 'हॅशटॅग मीटू'मुळे लोकांच्या मानसिकतेत बदल झाला आहे. यावर माझा विश्वास आहे, असे लिओनी म्हणाली. मी कोणत्याही कार्यालयात काम करत नाही. मी वास्तविक जगात जगत नाही. मात्र, महिलांवर होणाऱ्या शोषणाविरोधात त्यांनी आवाज उठवला पाहिजे. त्यासंदर्भात बोलले पाहिजे. असे प्रकार पुरुषांच्या बाबतीतही घडतात. त्यामुळे निडरपणे पुढे येऊन महिला आणि पुरुषांनी याबाबतचे खुलासे केले पाहिजेत, असेही तिने सांगितले.

मी अनुराधा पौडवालांची कन्या; संपत्तीत वाटा हवा!

एखाद्या कार्यालयात महिलांना कोणी त्रास देत असेल, तर त्याविषयी त्यांनी बोललेच पाहिजे. त्या बोलतील, शेअर करतील, तेवढी जनजागृती होईल आणि एखादी गोष्ट योग्य नाही, हे सहकाऱ्यांना समजेल. याविषयी आणखी सकारात्मक सुधारणा होतील, असा विश्वास सनी लिओनीने व्यक्त केला.

बॉलिवूडचा खिलाडी अक्षय कुमार कमाईमध्ये किंग

२००८ मध्ये तनुश्री दत्ता हिने ज्येष्ठ अभिनेते नाना पाटेकर यांच्याविरोधात लैंगिक शोषण केल्याचा आरोप केला होता. यानंतर बॉलिवूडमध्ये मीटू मोहिमेने जोर धरला. ज्येष्ठ अभिनेते आलोक नाथ, संगीतकार अनु मलिक, दिग्दर्शक विकास बहल यांच्यावर मीटू मोहिमेअंतर्गत आरोप झाले. ट्विटरवर 'मीटू'हॅशटॅग सुरू करण्यात आला होता. मीटू मोहिमेच्या समर्थनार्थ बॉलिवूडमधील अनेक कलाकार पुढे आले. 'मी टू' मोहिमेची तीव्रता समाजाच्या तळागाळापर्यंत पोहोचणे आवश्यक आहे, असे प्रतिपादन अभिनेत्री रेणुका शहाणे यांनी केले होते.

अॅवॉर्ड शो फेक असतात; फक्त पैशांसाठी जातोः शेट्टी

या मोहिमेचा हेतू स्त्री पुरुषांमध्ये फूट पाडणे हा नाही. ही मोहीम लिंगभेद करणारी न ठरता सर्वांना समान पातळीवर गैरवर्तनाविरोधात उभी ठाकणारी असावी. तसेच सिनेमात स्क्रीनवर देखील स्त्री पात्र कशा प्रकारे दाखवली जात आहेत, याकडेही विचारपूर्वक पाहिले जावे, असे मत दिग्दर्शिका शोनाली बोस यांनी मांडले होते.