पुणे टाइम्स टीम
अभिनेत्री माधुरी दीक्षित-नेने आणि तिचं नृत्यप्रेम सगळ्यांनाच माहिती आहे. नुकताच माधुरीनं दिवंगत पॉपस्टार मायकल जॅक्सनच्या मेणाच्या पुतळ्यासोबत काढलेला फोटो सध्या सोशल नेटवर्किंगवर चर्चेचा विषय ठरला आहे. मराठी सिनेमाच्या निर्मितीत व्यग्र असणाऱ्या माधुरीनं अचानक मायकलच्या पुतळ्यासोबतचा फोटो का टाकला असावा, या विषयीच्या तर्क-वितर्कांना उधाण आलं आहे.
बॉलिवूडची धकधक गर्ल सध्या सिनेमात काम करण्याच्या मूडमध्ये नाही. मध्यंतरी तिनं एक सेल्फी फोस्ट करून सिनेमाची तयारी सुरू असल्याची हिंट चाहत्यांना दिली होती. आता ही तयारी तिच्या आर अॅण्ड एम मूव्हींग पिक्चर्स या बॅनरखाली बनणाऱ्या मराठी सिनेमाची आहे की ती काम करत असलेल्या हिंदी सिनेमाची याचा थांगपत्ता तिनं लागू दिलेला नाही. खूपकाळ कॅमेऱ्यासमोर काम केल्यानंतर मी आता कॅमेऱ्यामागे रमण्याचा प्रयत्न करतेय, असं म्हणत तिनं हा सेल्फी पोस्ट केला होता. त्यानंतर अचानक तिचा मायकल जॅक्सनच्या पुतळ्यासोबतचा फोटो व्हायरला झाला.
या फोटोसह तिनं नृत्य ही तर ऊर्जा आहे आणि सराव जोरात सुरू आहे, अशी ओळही टाकली होती. त्यामुळे चाहत्यांनी वेगवेगळे तर्क लढवायला सुरुवात केली आहे. तिचा मराठी सिनेमा कौटुंबिक विषयावरचा आहे आणि त्यात ती काम करणार की नाही हे अद्याप स्पष्ट झालेलं नसताना या फोटोमागे दडलेला अर्थ शोधण्याच्या कामाला सगळे लागले आहेत. माधुरी नेमकी कसला सराव करतेय, याचं उत्तर सर्वांना हवं आहे. सिनेमाची तयारी आणि गाण्याचा अल्बम यामध्ये व्यग्र असणाऱ्या माधुरीनं अद्याप कसलीही हिंट दिलेला नाही त्यामुळे तिचा हा सराव सिनेमासाठीच असल्याची अनेकांची खात्री आहे.
येत्या दिवाळीत तिच्या या सिनेमाची ती घोषणा करेल अशी अटकळ बांधली जातेय. वयाच्या पन्नाशीत पदार्पण केलेली माधुरी आता कोणत्या भूमिका स्वीकारणार, याचीच उत्सुकता बॉलिवूडसकट तिच्या चाहत्यांनाही आहे.
अभिनेत्री माधुरी दीक्षित-नेने आणि तिचं नृत्यप्रेम सगळ्यांनाच माहिती आहे. नुकताच माधुरीनं दिवंगत पॉपस्टार मायकल जॅक्सनच्या मेणाच्या पुतळ्यासोबत काढलेला फोटो सध्या सोशल नेटवर्किंगवर चर्चेचा विषय ठरला आहे. मराठी सिनेमाच्या निर्मितीत व्यग्र असणाऱ्या माधुरीनं अचानक मायकलच्या पुतळ्यासोबतचा फोटो का टाकला असावा, या विषयीच्या तर्क-वितर्कांना उधाण आलं आहे.
बॉलिवूडची धकधक गर्ल सध्या सिनेमात काम करण्याच्या मूडमध्ये नाही. मध्यंतरी तिनं एक सेल्फी फोस्ट करून सिनेमाची तयारी सुरू असल्याची हिंट चाहत्यांना दिली होती. आता ही तयारी तिच्या आर अॅण्ड एम मूव्हींग पिक्चर्स या बॅनरखाली बनणाऱ्या मराठी सिनेमाची आहे की ती काम करत असलेल्या हिंदी सिनेमाची याचा थांगपत्ता तिनं लागू दिलेला नाही. खूपकाळ कॅमेऱ्यासमोर काम केल्यानंतर मी आता कॅमेऱ्यामागे रमण्याचा प्रयत्न करतेय, असं म्हणत तिनं हा सेल्फी पोस्ट केला होता. त्यानंतर अचानक तिचा मायकल जॅक्सनच्या पुतळ्यासोबतचा फोटो व्हायरला झाला.
या फोटोसह तिनं नृत्य ही तर ऊर्जा आहे आणि सराव जोरात सुरू आहे, अशी ओळही टाकली होती. त्यामुळे चाहत्यांनी वेगवेगळे तर्क लढवायला सुरुवात केली आहे. तिचा मराठी सिनेमा कौटुंबिक विषयावरचा आहे आणि त्यात ती काम करणार की नाही हे अद्याप स्पष्ट झालेलं नसताना या फोटोमागे दडलेला अर्थ शोधण्याच्या कामाला सगळे लागले आहेत. माधुरी नेमकी कसला सराव करतेय, याचं उत्तर सर्वांना हवं आहे. सिनेमाची तयारी आणि गाण्याचा अल्बम यामध्ये व्यग्र असणाऱ्या माधुरीनं अद्याप कसलीही हिंट दिलेला नाही त्यामुळे तिचा हा सराव सिनेमासाठीच असल्याची अनेकांची खात्री आहे.
येत्या दिवाळीत तिच्या या सिनेमाची ती घोषणा करेल अशी अटकळ बांधली जातेय. वयाच्या पन्नाशीत पदार्पण केलेली माधुरी आता कोणत्या भूमिका स्वीकारणार, याचीच उत्सुकता बॉलिवूडसकट तिच्या चाहत्यांनाही आहे.