मुंबई :
मल्टिप्लेक्स थिएटरमधले पाचही स्क्रिन बळकावणाऱ्यांचा मुजोरपणा कोणत्याही परिस्थितीत खपवून घेणार नाही. महाराष्ट्रात मराठी सिनेमाला स्क्रिन मिळणारच, असं सांगतानाच 'देवा' आणि 'गच्ची'ला स्क्रिन न दिल्यास थिएटरमध्येच खळखट्याक होईल, असा सणसणीत इशारा महाराष्ट्र नवनिर्माण चित्रपट सेनेने आज दिला. जे थिएटर मालक मराठी सिनेमाला प्राइम टाइममध्ये शो देणार नाहीत, त्यांचे परवाने रद्द करावेत, अशी मागणीही महाराष्ट्र नवनिर्माण चित्रपट सेनेने केली आहे.
महाराष्ट्र नवनिर्माण चित्रपट सेनेचे अध्यक्ष अमेय खोपकर आणि अभिनेते अंकुश चौधरी यांच्यासह देवाच्या टीमने एक पत्रकार परिषद घेऊन हा इशारा दिला. 'महाराष्ट्रात प्राइम टाइममध्ये मराठी सिनेमाला स्क्रिन मागावी लागते हे दुर्देव आहे. मराठी सिनेमाला स्क्रिन देण्याचा कायदाच आहे. त्यासाठी आम्ही भांडतोय. तो आमचा हक्कच आहे. त्यामुळे थिएटर मालकांनी आम्हाला स्क्रिन द्यावी अन्यथा पुढे होणाऱ्या परिणामाला सामोरे जावं,' असा इशारा अमेय खोपकर यांनी दिला. 'चित्रपटगृह फोडण्याची मनसेवर वेळ का येते? त्याची आम्हाला मजा येते का? कि विरंगुळा म्हणून आम्ही हे करतोय?' असा सवाल करतानाच 'आमचा कोणत्याही सिनेमाला विरोध नाही. आम्हाला मराठी सिनेमासाठी हक्काचं स्क्रिन हवंय,' अशी मागणीही खोपकर यांनी केली.
तर 'दोन्ही सिनेमे चालले पाहिजे अशीच आमची भूमिका आहे. कोणत्याही सिनेमावर अन्याय होऊ नये. मात्र थिएटर मालकांनी एकाच सिनेमासाठी पाच शो बुक करणं योग्य नाही. हा मराठी सिनेमावरचा अन्याय असून या पाच शो पैकी किमान दोन शो मराठी सिनेमाला मिळायलाच हवे,' असं अभिनेते अंकुश चौधरी यांनी सांगितलं.
मल्टिप्लेक्स थिएटरमधले पाचही स्क्रिन बळकावणाऱ्यांचा मुजोरपणा कोणत्याही परिस्थितीत खपवून घेणार नाही. महाराष्ट्रात मराठी सिनेमाला स्क्रिन मिळणारच, असं सांगतानाच 'देवा' आणि 'गच्ची'ला स्क्रिन न दिल्यास थिएटरमध्येच खळखट्याक होईल, असा सणसणीत इशारा महाराष्ट्र नवनिर्माण चित्रपट सेनेने आज दिला. जे थिएटर मालक मराठी सिनेमाला प्राइम टाइममध्ये शो देणार नाहीत, त्यांचे परवाने रद्द करावेत, अशी मागणीही महाराष्ट्र नवनिर्माण चित्रपट सेनेने केली आहे.
महाराष्ट्र नवनिर्माण चित्रपट सेनेचे अध्यक्ष अमेय खोपकर आणि अभिनेते अंकुश चौधरी यांच्यासह देवाच्या टीमने एक पत्रकार परिषद घेऊन हा इशारा दिला. 'महाराष्ट्रात प्राइम टाइममध्ये मराठी सिनेमाला स्क्रिन मागावी लागते हे दुर्देव आहे. मराठी सिनेमाला स्क्रिन देण्याचा कायदाच आहे. त्यासाठी आम्ही भांडतोय. तो आमचा हक्कच आहे. त्यामुळे थिएटर मालकांनी आम्हाला स्क्रिन द्यावी अन्यथा पुढे होणाऱ्या परिणामाला सामोरे जावं,' असा इशारा अमेय खोपकर यांनी दिला. 'चित्रपटगृह फोडण्याची मनसेवर वेळ का येते? त्याची आम्हाला मजा येते का? कि विरंगुळा म्हणून आम्ही हे करतोय?' असा सवाल करतानाच 'आमचा कोणत्याही सिनेमाला विरोध नाही. आम्हाला मराठी सिनेमासाठी हक्काचं स्क्रिन हवंय,' अशी मागणीही खोपकर यांनी केली.
तर 'दोन्ही सिनेमे चालले पाहिजे अशीच आमची भूमिका आहे. कोणत्याही सिनेमावर अन्याय होऊ नये. मात्र थिएटर मालकांनी एकाच सिनेमासाठी पाच शो बुक करणं योग्य नाही. हा मराठी सिनेमावरचा अन्याय असून या पाच शो पैकी किमान दोन शो मराठी सिनेमाला मिळायलाच हवे,' असं अभिनेते अंकुश चौधरी यांनी सांगितलं.