मुंबई: समलिंगी संबंध हा गुन्हा नाही, असं सांगत सर्वोच्च न्यायालयाने भारतीय दंड संहितेचं कलम ३७७ रद्द केलं. कोर्टाच्या या ऐतिहासिक निकालाचं सर्व स्तरातून स्वागत होत असतानाच बॉलिवूडनेही या निर्णयाचं जोरदार स्वागत केलं आहे. हा समतेचा विजय असून देशाला त्याचा श्वास मिळालाय, अशा भावना बॉलिवूडकरांनी व्यक्त केल्या आहेत.
'हा ऐतिहासिक निर्णय आहे. आज मला खूप अभिमान वाटतो. समलैंगिकतेला अपराध न मानणे आणि कलम ३७७ रद्द करणे हा मानवता आणि समान अधिकारांचा सर्वात मोठा विजय आहे. देशाला त्याचा श्वास परत मिळाला,' असं ट्विट करत निर्माता करण जोहरने आनंद व्यक्त केलाय. तर रणवीर सिंगने सर्वांना खूप साऱ्या शुभेच्छा. कलम ३७७ वरचा हा ऐतिहासिक विजय, अशी प्रतिक्रिया व्यक्त केली आहे. 'प्रेमाच्या दिशेने आणि प्रेमाच्या हक्कांसाठी उचलेले हे एक मोठे पाऊल आहे', असं अनुष्का शर्मानं म्हटलं आहे.
सोनम कपूर देखील या ऐतिहासिक निर्णयावर आपले आनंदाश्रू रोखू शकली नाही. तिने ट्विट केले, 'एलजीबीटी कम्युनिटीसाठी माझ्या डोळ्यात आनंदाश्रू आहेत. एक दिवस असाही येईल की भारतातील कोणत्याही व्यक्तीला कोणतेही लेबल नसेल. अशाच भारतात मी राहू इच्छिते. एक असा भारत जिथे कोणाच्याही मनात कोणाबद्दलही तिरस्कार आणि असहिष्णुता नसेल. अशाच भारतावर मी खूप प्रेम करते,' अशा शब्दांत सोनमने भावनांना वाट मोकळी करून दिली आहे. तर 'बाय बाय ३७७, धन्यवाद सुप्रीम कोर्ट,' असं फरहान अख्तरने म्हटलं आहे.
ऐतिहासिक दिवस
'प्रेम हे प्रेमच असते. भारतातील इतिहासात हा एक ऐतिहासिक दिवस. देशासाठी ही अभिमानाची गोष्ट आहे. धन्यवाद', अशी प्रतिक्रिया अलिया भट्टने व्यक्त केलीय तर 'सर्वांना न्याय आणि सर्वांना स्वातंत्र्य. हाच आपला देश आहे, हाच आपला भारत आहे. सर्व देशवासियांसाठी हा ऐतिहासिक क्षण', अशी प्रतिक्रिया रितेश देशमुखने नोंदवली आहे.
'हा ऐतिहासिक निर्णय आहे. आज मला खूप अभिमान वाटतो. समलैंगिकतेला अपराध न मानणे आणि कलम ३७७ रद्द करणे हा मानवता आणि समान अधिकारांचा सर्वात मोठा विजय आहे. देशाला त्याचा श्वास परत मिळाला,' असं ट्विट करत निर्माता करण जोहरने आनंद व्यक्त केलाय. तर रणवीर सिंगने सर्वांना खूप साऱ्या शुभेच्छा. कलम ३७७ वरचा हा ऐतिहासिक विजय, अशी प्रतिक्रिया व्यक्त केली आहे. 'प्रेमाच्या दिशेने आणि प्रेमाच्या हक्कांसाठी उचलेले हे एक मोठे पाऊल आहे', असं अनुष्का शर्मानं म्हटलं आहे.
सोनम कपूर देखील या ऐतिहासिक निर्णयावर आपले आनंदाश्रू रोखू शकली नाही. तिने ट्विट केले, 'एलजीबीटी कम्युनिटीसाठी माझ्या डोळ्यात आनंदाश्रू आहेत. एक दिवस असाही येईल की भारतातील कोणत्याही व्यक्तीला कोणतेही लेबल नसेल. अशाच भारतात मी राहू इच्छिते. एक असा भारत जिथे कोणाच्याही मनात कोणाबद्दलही तिरस्कार आणि असहिष्णुता नसेल. अशाच भारतावर मी खूप प्रेम करते,' अशा शब्दांत सोनमने भावनांना वाट मोकळी करून दिली आहे. तर 'बाय बाय ३७७, धन्यवाद सुप्रीम कोर्ट,' असं फरहान अख्तरने म्हटलं आहे.
ऐतिहासिक दिवस
'प्रेम हे प्रेमच असते. भारतातील इतिहासात हा एक ऐतिहासिक दिवस. देशासाठी ही अभिमानाची गोष्ट आहे. धन्यवाद', अशी प्रतिक्रिया अलिया भट्टने व्यक्त केलीय तर 'सर्वांना न्याय आणि सर्वांना स्वातंत्र्य. हाच आपला देश आहे, हाच आपला भारत आहे. सर्व देशवासियांसाठी हा ऐतिहासिक क्षण', अशी प्रतिक्रिया रितेश देशमुखने नोंदवली आहे.