मुंबई :
गायक आणि सूत्रसंचालक आदित्य नारायण पुन्हा एकदा गोत्यात आला आहे. बेदरकारपणे कार चालवून रिक्षाला धडक दिल्याने आदित्यला अटक करण्यात आली असून त्याच्याविरोधात मुंबईतील वर्सोवा पोलीस ठाण्यात भारतीय दंडविधान कलम २७९ आणि ३३८ अन्वये गुन्हा दाखल करण्यात आला आहे.
आदित्यच्या कारने रिक्षाला धडक दिल्याने झालेल्या अपघातात रिक्षातील प्रवासी महिला जखमी झाली असून त्याबाबत अधिक माहिती मिळू शकलेली नाही.
या अपघात प्रकरणी अटक करण्यात आलेल्या आदित्य नारायणला वैद्यकीय तपासणीसाठी नेण्यात आलं आहे, असे पोलिसांनी सांगितले.
दरम्यान, आदित्य हा प्रसिद्ध गायक उदित नारायण यांचा मुलगा असून गेल्यावर्षी रायपूर विमानतळावरील खासगी विमान कंपनीच्या कर्मचाऱ्याला धमकी दिल्यामुळे तो चर्चेत आला होता. लगेजचे अतिरिक्त शुल्क मागितल्याने आदित्यने सदर कर्मचाऱ्याला धमकी दिली होती. त्यानंतर विमान कंपनीने त्याची कोंडी करताच त्याला माफी मागावी लागली होती.
गायक आणि सूत्रसंचालक आदित्य नारायण पुन्हा एकदा गोत्यात आला आहे. बेदरकारपणे कार चालवून रिक्षाला धडक दिल्याने आदित्यला अटक करण्यात आली असून त्याच्याविरोधात मुंबईतील वर्सोवा पोलीस ठाण्यात भारतीय दंडविधान कलम २७९ आणि ३३८ अन्वये गुन्हा दाखल करण्यात आला आहे.
आदित्यच्या कारने रिक्षाला धडक दिल्याने झालेल्या अपघातात रिक्षातील प्रवासी महिला जखमी झाली असून त्याबाबत अधिक माहिती मिळू शकलेली नाही.
या अपघात प्रकरणी अटक करण्यात आलेल्या आदित्य नारायणला वैद्यकीय तपासणीसाठी नेण्यात आलं आहे, असे पोलिसांनी सांगितले.
दरम्यान, आदित्य हा प्रसिद्ध गायक उदित नारायण यांचा मुलगा असून गेल्यावर्षी रायपूर विमानतळावरील खासगी विमान कंपनीच्या कर्मचाऱ्याला धमकी दिल्यामुळे तो चर्चेत आला होता. लगेजचे अतिरिक्त शुल्क मागितल्याने आदित्यने सदर कर्मचाऱ्याला धमकी दिली होती. त्यानंतर विमान कंपनीने त्याची कोंडी करताच त्याला माफी मागावी लागली होती.