नावातच आहे सगळं

कुठल्याही कलाकृतीकडे लक्ष वेधून घेण्यासाठी महत्त्वाचं असतं ते त्याचं शीर्षक. त्यामुळे आकर्षक, काहीशी विचित्र वाटावीत अशी नावं सिनेमांना दिली जाताहेत. या विचित्र टायटल्स असलेल्या सिनेमांची अनेक उदाहरणं प्रेक्षकांसमोर येऊ लागली आहेत. अक्षयकुमारचा आगामी ‘टॉयलेट एक प्रेमकथा’, शाहरुख-अनुष्का जोडीचा ‘जब हॅरी मेट सेजल’, राजकुमार रावचा ‘बहन होगी तेरी’ ही यातलीच काही ठळक उदाहरणं.

अक्षयचा ‘टॉयलेट एक प्रेमकथा’ येत्या ११ ऑगस्टला सिनेमागृहात प्रदर्शित होतोय. या सिनेमाच्या नावातच टॉयलेट हा शब्द आल्यानं अनेकांच्या भुवया उंचावल्या. शिवाय, टॉयलेट ‌आणि प्रेमकथा यांचा काय संबंध असावा अशी उत्सुकता प्रेक्षकांच्या मनात निर्माण करण्यात हा चित्रपट यशस्वी ठरलाय. त्याचा ट्रेलर नुकताच प्रदर्शितही झाला असून, अल्पावधीतच त्याला लाखो व्ह्यूज मिळाले आहेत. शाहरुख खानचा ‘जब हॅरी मेट सेजल’ या चित्रपटाचाचा फर्स्ट लुक व्हायरल झालाय. या चित्रपटाचं नाव ‘व्हेन हॅरी मेट सॅली’ वरून घेण्यात आलं आहे. गेल्या आठवड्यात राजकुमार रावचा ‘बहन होगी तेरी’ हा चित्रपटही पडद्यावर झळकला. ‘हनुमान दा दमदार’ या नावाचा अॅनिमेटेड सिनेमाही नुकताच आला होता. ‘जी कुत्ता से’ अशा विचित्र नावाचा आलेला एक चित्रपटही नुकताच फ्लॉप झाला. या वर्षात आणखीही असे काही सिनेमे बॉक्सऑफिसवर येणार आहेत. आगामी आयुषमान खुराना-क्रिती सॅनन जोडीचा ‘बरेली की बर्फी’, राजकुमार रावचा ‘ओमेर्ता’, टायगर श्रॉफ, नवाजुद्दीन, निधी अगेरवाल यांचा ‘मुन्ना मायकल’ अनिल कपूर, अर्जुन कपूर, एलियाना डिक्रूझ, अथिया शेट्टी हे स्टार दिसणारा ‘मुबारकान’, जॉन अब्राहम-डायना पेंटी यांचा ‘परमाणू द स्टोरी ऑफ पोखरण’ ही यातलीच काही उदाहरणं आहेत.

संकलन : सिद्धेश सावंत, कॉलेज क्लब रिपोर्टर