मुंबई:
अभिनेत्री तनुश्री दत्तासोबत गैरवर्तन करण्यात आल्याच्या आरोपावरून अभिनेते नाना पाटेकर यांना 'हाऊसफुल-४' हा सिनेमा सोडावा लागला असला तरी त्यातील नानाचे सीन्स मात्र कायम ठेवण्यात येणार आहेत. थोडक्यात सांगायचे म्हणजे नाना या चित्रपटातून बाहेर पडले असले तरी ते या सिनेमाचा छोटासा का होईना पण भाग राहणार आहेत.
काही दिवसांपूर्वी राजस्थानमध्ये 'हाऊसफुल-४' चे चित्रीकरण झाले. नानावरती हे चित्रीकरण करण्यात आले. सिनेमाच्या दृष्टीने हे सीन्स खूपच महत्त्वाचे असल्याने ते हटवण्यात येणार नाहीत. हे सीन्स कापले तर चित्रपटाच्या कहानीत काहीच दम उरणार नाही. शिवाय दुसऱ्या अभिनेत्याला घेऊन पुन्हा चित्रीकरण करणंही शक्य नाही. त्यामुळे नानाचे आहे ते सीन्स ठेवण्याचा निर्णय चित्रपटाच्या टीमने घेतल्याचं सूत्रांनी सांगितलं.
दरम्यान, नानाने 'हाऊसफुल-४' सोडल्याने त्यांच्या जागी तेवढ्याच ताकदीच्या कलाकाराला घेण्याचे प्रयत्न सुरू झाले आहेत. त्यात सध्या तरी अनिल कपूर आणि संजय दत्तच्या नावाचा विचार सुरू आहे. मात्र या अभिनेत्यांकडून किंवा हाऊसफुलच्या टीमकडून कोणतीही अधिकृत घोषणा करण्यात आलेली नाही.
'मी टू' प्रकरणात 'हाऊसफुल-४' दिग्दर्शक साजिद खानवरही आरोप झाल्याने त्यानेही हा चित्रपट सोडला. आता त्याच्या जागी फरहाद समजी या सिनेमाचं दिग्दर्शन करत असून सिनेमाचं चित्रीकरणही सुरू झालं आहे.
अभिनेत्री तनुश्री दत्तासोबत गैरवर्तन करण्यात आल्याच्या आरोपावरून अभिनेते नाना पाटेकर यांना 'हाऊसफुल-४' हा सिनेमा सोडावा लागला असला तरी त्यातील नानाचे सीन्स मात्र कायम ठेवण्यात येणार आहेत. थोडक्यात सांगायचे म्हणजे नाना या चित्रपटातून बाहेर पडले असले तरी ते या सिनेमाचा छोटासा का होईना पण भाग राहणार आहेत.
काही दिवसांपूर्वी राजस्थानमध्ये 'हाऊसफुल-४' चे चित्रीकरण झाले. नानावरती हे चित्रीकरण करण्यात आले. सिनेमाच्या दृष्टीने हे सीन्स खूपच महत्त्वाचे असल्याने ते हटवण्यात येणार नाहीत. हे सीन्स कापले तर चित्रपटाच्या कहानीत काहीच दम उरणार नाही. शिवाय दुसऱ्या अभिनेत्याला घेऊन पुन्हा चित्रीकरण करणंही शक्य नाही. त्यामुळे नानाचे आहे ते सीन्स ठेवण्याचा निर्णय चित्रपटाच्या टीमने घेतल्याचं सूत्रांनी सांगितलं.
दरम्यान, नानाने 'हाऊसफुल-४' सोडल्याने त्यांच्या जागी तेवढ्याच ताकदीच्या कलाकाराला घेण्याचे प्रयत्न सुरू झाले आहेत. त्यात सध्या तरी अनिल कपूर आणि संजय दत्तच्या नावाचा विचार सुरू आहे. मात्र या अभिनेत्यांकडून किंवा हाऊसफुलच्या टीमकडून कोणतीही अधिकृत घोषणा करण्यात आलेली नाही.
'मी टू' प्रकरणात 'हाऊसफुल-४' दिग्दर्शक साजिद खानवरही आरोप झाल्याने त्यानेही हा चित्रपट सोडला. आता त्याच्या जागी फरहाद समजी या सिनेमाचं दिग्दर्शन करत असून सिनेमाचं चित्रीकरणही सुरू झालं आहे.