अजमेर : अजमेर लिटरेचर फेस्टिव्हलच्या आयोजकांनी शुक्रवारी अभिनेते नसीरुद्दीन शहा यांचा सहभाग असलेला कार्यक्रम रद्द केला. झुंडशाहीच्या मुद्द्यावर नसीर यांनी केलेल्या विधानावरून उजव्या गटांनी कार्यक्रमस्थळी निदर्शने केली. एका आंदोलकाने नसीर यांच्या पोस्टरवर शाई फेकली. या आंदोलनामुळे नसीर यांनी कार्यक्रम टाळला व ते माघारी परतले.
नसीरुद्दीन शहा यांनी एका मुलाखतीत बुलंदशहरमधील हिंसाचारावर बोट ठेवलं होतं. आपल्या देशात एका पोलीस निरीक्षकाच्या मृत्यूपेक्षा गायीच्या मृत्यूला अधिक महत्त्व दिलं जात आहे. अशा वातावरणात मला माझ्या मुलांबद्दल चिंता वाटू लागली आहे. देशात इतकं विष फैलावलं आहे की ते बाटलीबंद करणे आता अशक्यप्राय दिसत आहे, असे स्पष्ट मत नसीर यांनी व्यक्त केले होते. या विधानावरून नसीर यांच्यावर टीकेची झोड उठवण्यात आली. काही ठिकाणी त्यांच्याविरोधात आंदोलनही करण्यात आले. या पार्श्वभूमीवर आज अजमेर येथे दाखल झाल्यानंतरही नसीर आपल्या वक्तव्यावर ठाम राहिले. 'मी ज्या देशावर प्रेम करतो, त्या देशाबद्दल वाटणारी चिंता मी बोलून दाखवली आहे. हा देश माझं घर आहे. त्यामुळे मी माझ्या घराबद्दल वाटणाऱ्या चिंतेपोटी काही मतप्रदर्शन केलं असेल तर तो गुन्हा कसा काय ठरू शकतो?', असा सवाल त्यांनी केला.
दरम्यान, अजमेर येथे कार्यक्रमस्थळी निदर्शने झाल्याने आयत्यावेळी नसीर यांनी कार्यक्रमाला न जाण्याचा निर्णय घेतला. आयोजकांनीही कोणताही धोका नको म्हणून हा कार्यक्रम रद्द केला.
नसीरुद्दीन शहा यांनी एका मुलाखतीत बुलंदशहरमधील हिंसाचारावर बोट ठेवलं होतं. आपल्या देशात एका पोलीस निरीक्षकाच्या मृत्यूपेक्षा गायीच्या मृत्यूला अधिक महत्त्व दिलं जात आहे. अशा वातावरणात मला माझ्या मुलांबद्दल चिंता वाटू लागली आहे. देशात इतकं विष फैलावलं आहे की ते बाटलीबंद करणे आता अशक्यप्राय दिसत आहे, असे स्पष्ट मत नसीर यांनी व्यक्त केले होते. या विधानावरून नसीर यांच्यावर टीकेची झोड उठवण्यात आली. काही ठिकाणी त्यांच्याविरोधात आंदोलनही करण्यात आले. या पार्श्वभूमीवर आज अजमेर येथे दाखल झाल्यानंतरही नसीर आपल्या वक्तव्यावर ठाम राहिले. 'मी ज्या देशावर प्रेम करतो, त्या देशाबद्दल वाटणारी चिंता मी बोलून दाखवली आहे. हा देश माझं घर आहे. त्यामुळे मी माझ्या घराबद्दल वाटणाऱ्या चिंतेपोटी काही मतप्रदर्शन केलं असेल तर तो गुन्हा कसा काय ठरू शकतो?', असा सवाल त्यांनी केला.
दरम्यान, अजमेर येथे कार्यक्रमस्थळी निदर्शने झाल्याने आयत्यावेळी नसीर यांनी कार्यक्रमाला न जाण्याचा निर्णय घेतला. आयोजकांनीही कोणताही धोका नको म्हणून हा कार्यक्रम रद्द केला.