मुंबई टाइम्स टीम
यशस्वी मॉडेल आणि मग चित्रपट अभिनेत्री असा यामी गौतमचा प्रवास आहे.' बॉलिवूडमध्ये स्वतःची क्षमता सिद्ध करणं ही अवघड गोष्ट आहे. बॉलिवूडमध्ये आजही सुंदर चेहऱ्यालाच महत्त्व दिलं जातं. सुंदर चेहऱ्यापलीकडेही आपल्यात गुणवत्ता आहे हे इथे सिद्ध करणं अवघड आहे', असं यामीचं ठाम म्हणणं आहे. तिच्या या स्पष्टवक्तेवणाची इंडस्ट्रीत चर्चा आहे.
यामीनं आजवर केलेल्या काही भूमिका फार मोठ्या नाहीत. तरी तिच्या त्या भूमिकांना प्रेक्षकांची पसंती मिळाली आहे. तिची मतं ती स्पष्टपणे व्यक्त करत आली आहे. यामी म्हणते, की 'इंडस्ट्रीतला माझा स्ट्रगल आजही सुरूच आहे. अभिनेत्री म्हणून तुमच्याकडे सुंदर चेहऱ्याशिवाय वेगवेगळ्या भूमिका साकारण्याची गुणवत्ता आहे, हे लोकांना तुम्ही कसं पटवून देणार? कारण चेहरा पाहूनच तुमच्याविषयीचं मत तयार केलं जातं. तुम्ही कसे दिसता यालाच इथं महत्त्व दिलं जातं. गुणवत्तेचा विचार फारसा केला जात नाही. म्हणूनच, मोजकं काम मिळालं तरी चालेल. मी नेहमी उत्तम भूमिकांच्या शोधात असते.'
यामीनं व्यक्तिरेखांना नेहमीच महत्त्व दिलं. त्याविषयी ती सांगते, 'कुठलीही भूमिका स्वीकारताना ती किती लांबीची आहे, हे मी पाहत नाही. चित्रपटात आपण काय करू शकतो, हे सिद्ध करण्यासाठी मी प्रयत्नशील असते. म्हणूनच, काही चित्रपटांमध्ये तुझी भूमिका खूप छोटी होती, असं म्हटलं जातं तेव्हा मला आश्चर्य वाटतं. मात्र, सुदैवानं त्या लहान भूमिकांचंही माझ्या चाहत्यांनी कौतुक केलं. त्या प्रेक्षकांच्या लक्षात राहिल्या याचं मला समाधान वाटतं.'
यशस्वी मॉडेल आणि मग चित्रपट अभिनेत्री असा यामी गौतमचा प्रवास आहे.' बॉलिवूडमध्ये स्वतःची क्षमता सिद्ध करणं ही अवघड गोष्ट आहे. बॉलिवूडमध्ये आजही सुंदर चेहऱ्यालाच महत्त्व दिलं जातं. सुंदर चेहऱ्यापलीकडेही आपल्यात गुणवत्ता आहे हे इथे सिद्ध करणं अवघड आहे', असं यामीचं ठाम म्हणणं आहे. तिच्या या स्पष्टवक्तेवणाची इंडस्ट्रीत चर्चा आहे.
यामीनं आजवर केलेल्या काही भूमिका फार मोठ्या नाहीत. तरी तिच्या त्या भूमिकांना प्रेक्षकांची पसंती मिळाली आहे. तिची मतं ती स्पष्टपणे व्यक्त करत आली आहे. यामी म्हणते, की 'इंडस्ट्रीतला माझा स्ट्रगल आजही सुरूच आहे. अभिनेत्री म्हणून तुमच्याकडे सुंदर चेहऱ्याशिवाय वेगवेगळ्या भूमिका साकारण्याची गुणवत्ता आहे, हे लोकांना तुम्ही कसं पटवून देणार? कारण चेहरा पाहूनच तुमच्याविषयीचं मत तयार केलं जातं. तुम्ही कसे दिसता यालाच इथं महत्त्व दिलं जातं. गुणवत्तेचा विचार फारसा केला जात नाही. म्हणूनच, मोजकं काम मिळालं तरी चालेल. मी नेहमी उत्तम भूमिकांच्या शोधात असते.'
यामीनं व्यक्तिरेखांना नेहमीच महत्त्व दिलं. त्याविषयी ती सांगते, 'कुठलीही भूमिका स्वीकारताना ती किती लांबीची आहे, हे मी पाहत नाही. चित्रपटात आपण काय करू शकतो, हे सिद्ध करण्यासाठी मी प्रयत्नशील असते. म्हणूनच, काही चित्रपटांमध्ये तुझी भूमिका खूप छोटी होती, असं म्हटलं जातं तेव्हा मला आश्चर्य वाटतं. मात्र, सुदैवानं त्या लहान भूमिकांचंही माझ्या चाहत्यांनी कौतुक केलं. त्या प्रेक्षकांच्या लक्षात राहिल्या याचं मला समाधान वाटतं.'