'पॅडमॅन' चित्रपटातील ‘हू ब हू’ गाणं रिलीज

अभिनेता अक्षय कुमार सध्या आपल्या भूमिकांमध्ये वेगवेगळे प्रयोग करताना दिसत आहे. त्या पैकीच एक म्हणजे बहुचर्चित 'पॅडमॅन' हा चित्रपट. काही दिवसांपूर्वीच या चित्रपटाचा ट्रेलर प्रदर्शित करण्यात आला . ट्रेलर पाहून प्रेक्षकांची उत्सुकता वाढली असताना या चित्रपटातील ‘हू ब हू’ हे गाणं रिलीज करण्यात आलंय.

या गाण्यात अक्षय कुमारच्या व्यक्तिरेखेचा संपूर्ण प्रवास दाखवला आहे. सोनम कपूरच्या संवादानं या गाण्याची सुरूवात होते तर ‘जब एक हो रहे और एक ही मंजिल, मिल ही जाते है सफर में ऐसे लोग जो होते है हू ब हू’ असे या गाण्याचे बोल आहेत.

पॅडमॅनमधील हे गाणं गायक अमित त्रिवेदीनं गायलं असून त्यानंच या गाण्याला संगीत दिलं आहे. तर या गाण्यातून चित्रपटातील कथा मांडण्याचे काम गीतकार कौसर मुनिरने केले आहे. हे गाणं प्रेक्षकांच्या पसंतीस पडत असून अक्षयच्या अभिनयाचे कौतुक केले जात आहे.




ग्रामीण भागातल्या स्त्रियांसाठी स्वस्त दरात सॅनिटरी पॅड तयार करणाऱ्या यंत्राची निर्मिती केलेल्या अरुणाचल मुरुगानंथम यांच्या जीवनावर आधारित हा चित्रपट असून २६ जानेवारीला प्रदर्शित होणार आहे.