मुंबई:
'हिंदी मीडियम' या चित्रपटात इरफान खानसोबत मुख्य भूमिका साकारलेली प्रसिद्ध पाकिस्तानी अभिनेत्री सबा कमर हिचा एक व्हिडिओ सध्या सोशल मीडियावर व्हायरल झालाय. या व्हिडिओत जगाच्या दृष्टीने पाकिस्तानी असणं नेमकं कसं असतं हे सांगताना सबाला अश्रू अनावर झाले.
पाकिस्तानी टीव्ही चॅनल 'एपी प्लस'ला दिलेल्या मुलाखतीत, केवळ ती पाकिस्तानी आहे म्हणून तिला आलेले अनुभव तिनं शेअर केलेत. 'आपण 'पाकिस्तान झिंदाबाद'चे नारे फार अभिमानाने देतो. पण जेव्हा आपण परदेशी जातो, तेव्हा ज्या पद्धतीनं विमानतळावर पाकिस्तानहून आलेल्या प्रत्येकाची तपासणी केली जाते, ते मी शब्दांत मांडू शकत नाही. तुमच्या बॅगेतील एकूण एक वस्तू संशयाने तपासली जाते, तेव्हा फार अपमानजनक वाटते,' अशी खंत तिनं व्यक्त केली.
It's not just #SabaQamar who feels humiliated. All #Pakistanis feel humiliated when we are considered a terrorist state, when our children are killed like flies & we can't get justice for them, when terrorist like #HafizSaeed roam around freely & we watch them helplessly. pic.twitter.com/pHalKqo7cq — Sabah Alam (@AlamSabah) January 16, 2018 भावूक झालेल्या सबाने एका चित्रीकरणादरम्यान घडलेला किस्साही सांगितला. 'एकदा मी चित्रपटाच्या चित्रीकरणासाठी भारतीय टीमसोबत जॉर्जियातील तिबलसीला जात होते. विमानतळावर माझ्यासोबत असलेले सगळे भारतीय सहज पुढे जाऊ शकले, पण माझा पाकिस्तानी पासपोर्ट पाहून मला अडवण्यात आले. पुन्हा एकदा माझ्या सगळ्या सामानाची नीट तपासणी करण्यात आली. मला अनेक प्रश्नांची उत्तरं द्यावी लागली आणि माझ्या उत्तरांनी त्यांचे समाधान झाल्यानंतरच मला सोडण्यात आले. त्या क्षणी पाकिस्तानची बाहेरच्या देशांमध्ये काय किंमत आहे, हे कळून चुकले. जगासमोर आपली प्रतिमा काय आहे?. जगात आपलं काय स्थान आहे?' याचा विचार करण्याची वेळ आली आहे, असं मत सबानं मांडलंय.
सबाचा हा व्हिडिओ व्हायरल झाल्यानं अनेक पाकिस्तानी मंडळींनी तिला पाठिंबा देत आपण समदु:खी असल्याचे कळवले तर अशा व्हिडिओमुळे आपल्या देशाची बदनामी होते, असं म्हणत अनेकांनी तिच्यावर सडकून टीकाही केली.
'हिंदी मीडियम' या चित्रपटात इरफान खानसोबत मुख्य भूमिका साकारलेली प्रसिद्ध पाकिस्तानी अभिनेत्री सबा कमर हिचा एक व्हिडिओ सध्या सोशल मीडियावर व्हायरल झालाय. या व्हिडिओत जगाच्या दृष्टीने पाकिस्तानी असणं नेमकं कसं असतं हे सांगताना सबाला अश्रू अनावर झाले.
पाकिस्तानी टीव्ही चॅनल 'एपी प्लस'ला दिलेल्या मुलाखतीत, केवळ ती पाकिस्तानी आहे म्हणून तिला आलेले अनुभव तिनं शेअर केलेत. 'आपण 'पाकिस्तान झिंदाबाद'चे नारे फार अभिमानाने देतो. पण जेव्हा आपण परदेशी जातो, तेव्हा ज्या पद्धतीनं विमानतळावर पाकिस्तानहून आलेल्या प्रत्येकाची तपासणी केली जाते, ते मी शब्दांत मांडू शकत नाही. तुमच्या बॅगेतील एकूण एक वस्तू संशयाने तपासली जाते, तेव्हा फार अपमानजनक वाटते,' अशी खंत तिनं व्यक्त केली.
It's not just #SabaQamar who feels humiliated. All #Pakistanis feel humiliated when we are considered a terrorist state, when our children are killed like flies & we can't get justice for them, when terrorist like #HafizSaeed roam around freely & we watch them helplessly. pic.twitter.com/pHalKqo7cq — Sabah Alam (@AlamSabah) January 16, 2018 भावूक झालेल्या सबाने एका चित्रीकरणादरम्यान घडलेला किस्साही सांगितला. 'एकदा मी चित्रपटाच्या चित्रीकरणासाठी भारतीय टीमसोबत जॉर्जियातील तिबलसीला जात होते. विमानतळावर माझ्यासोबत असलेले सगळे भारतीय सहज पुढे जाऊ शकले, पण माझा पाकिस्तानी पासपोर्ट पाहून मला अडवण्यात आले. पुन्हा एकदा माझ्या सगळ्या सामानाची नीट तपासणी करण्यात आली. मला अनेक प्रश्नांची उत्तरं द्यावी लागली आणि माझ्या उत्तरांनी त्यांचे समाधान झाल्यानंतरच मला सोडण्यात आले. त्या क्षणी पाकिस्तानची बाहेरच्या देशांमध्ये काय किंमत आहे, हे कळून चुकले. जगासमोर आपली प्रतिमा काय आहे?. जगात आपलं काय स्थान आहे?' याचा विचार करण्याची वेळ आली आहे, असं मत सबानं मांडलंय.
सबाचा हा व्हिडिओ व्हायरल झाल्यानं अनेक पाकिस्तानी मंडळींनी तिला पाठिंबा देत आपण समदु:खी असल्याचे कळवले तर अशा व्हिडिओमुळे आपल्या देशाची बदनामी होते, असं म्हणत अनेकांनी तिच्यावर सडकून टीकाही केली.