पाकिस्तानी गायिकेने गायलं 'जोगवा'तलं गाणं!

मटा ऑनलाइन वृत्त । मुंबई

संगीताचे सूर केवळ निखळ आनंदच देऊ शकतात. एकमेकांना प्रेमानं बांधून ठेवण्याची ताकद संगीतात असते. तेव्हा केवळ प्रेम पसरू दे, द्वेष नको.. असं आवाहन करत पाकिस्तानात राहणाऱ्या एका गायिकेनं चक्क मराठी गाणं गायलंय. 'जोगवा' सिनेमातलं 'जीव रंगला, दंगला असा' हे गाणं तिच्या गोड आवाजात खरंच भाषेच्या, देशाच्या सीमा पुसून टाकतं.

मुळची युएईची नागरिक असलेली आणि सध्या पाकिस्तानात कराचीत राहणारी गायिका नाझिया अमीन मोहम्मद हिने हे गाणं गायलंय. तिच्या फेसबुक वॉलवर तिनं ते पोस्ट केलंय. दोन्ही देशांत कायम तणावाचे राजकीय संबंध असतात. याची जाणीव दोन्ही देशातल्या नागरिकांना आहे. नाझिया या गाण्याच्या आधी दोन्ही देशांच्या नागरिकांना आवाहन करते की खेळ आणि कला यांना कोणत्याही सीमेचं बंधन नसतं. गाण्यातले उच्चार चुकीचे असतील तर माफ करा, असं विनम्रतेनं सांगत तिनं हे गाणं गायलंय.

ऐका नाझियाच्या आवाजात 'जोगवा'तलं हे गाणं :-