कल्पेशराज कुबल, कॉलेज क्लब रिपोर्टर
भन्नाट गाण्यांमुळे चर्चेत असलेल्या 'फोटोकॉपी'चा आणखी एक यूएसपी म्हणजे सिनेमातली फ्रेश जोडी. पर्ण पेठे आणि चेतन चिटणीस यांनी साकारलेली कॉलेजिअन्सची भूमिका भाव खाऊन जातेय.
प्रेक्षकांना कॉलेज जीवनाची सफर घडवून आणणारा ‘फोटोकॉपी’ हा मराठी सिनेमा नुकताच प्रदर्शित झालाय. भन्नाट गाण्यांमुळे चर्चेत असलेल्या 'फोटोकॉपी'चा आणखी एक यूएसपी म्हणजे सिनेमातली फ्रेश जोडी. पर्ण पेठे आणि चेतन चिटणीस यांनी साकारलेली कॉलेजिअन्सची भूमिका भाव खाऊन जातेय. प्रायोगिक नाटकांतून आपल्या करिअरला सुरुवात केलेली अभिनेत्री पर्ण पेठे यापूर्वी 'रमा माधव', 'वायझेड' सिनेमांतून दिसली आहे. परंतु पहिल्यांदाच कॅमेऱ्यासमोर जाणाऱ्या चेतन चिटणीससाठी या संपूर्ण सिनेमाचा प्रवास म्हणजे वेगळाच अनुभव आहे.
ऑडिशनच्या वेळी सतराशे मुलांमधून चेतनची निवड झाली होती. त्याच्यासाठी हे सिनेविश्व म्हणजे जणू कोड्यासारखंच होतं. ऑडिशनसाठी आलेल्या इतर मुलांप्रमाणेच चेतनच्या मनातदेखील, सिनेमात आपल्याला एखादी भूमिका मिळावी अशी इच्छा होती. पण नंतर चेतनची प्रमुख भूमिकेसाठीच निवड झाली. ऑडिशनपासून आता सिनेमा प्रदर्शित होईपर्यंतचा हा संपूर्ण प्रवास एखाद्या सुंदर स्वप्नासारखा आहे असं चेतन सांगतो. गिरीश ओक, वंदना गुप्ते यांसारख्या जाणकार कलाकारांबरोबर काम करायला मिळाल्याचा अधिक आनंद असल्याचं तो सांगतो.
चेतन मूळचा पुण्याचा असला तरी त्याचं कॉलेज शिक्षण तामिळनाडूमधील बोर्डिंग कॉलेजमध्ये झालं. लहानपणापासून चेतनला अभिनयाची आवड होती. त्यामुळे इंटरकॉलेजिएट नाट्यस्पर्धांमध्ये त्याचा सहभाग असायचा. अभिनय क्षेत्रात करिअर करायचं असं त्यानं आधीपासूनच ठरवलेलं होतं. 'या अभिनय प्रवासाला 'फोटोकॉपी'च्या निमित्तानं सुरुवात झाली आहे. यापूर्वी केवळ आवड म्हणून करत असलेल्या अभिनयाला दिग्दर्शक विजय मौर्य यांनी आकार दिला. छायालेखक मनोजकुमार यांनी कॅमेऱ्याशी मैत्री करायला शिकवली. एकप्रकारे, मला 'फोटोकॉपी'तून पुढील प्रवासाठी चेतना मिळाली', असं चेतननं 'मुंटा'शी संवाद साधताना सांगितलं.
स्टारडमचा थोडा-फार अनुभव चेतनलाही आता येऊ लागलाय. 'फोटोकॉपी सिनेमात होता तो हाच मुलगा..' असं म्हणत लोक त्याला ओळखू लागलेत. त्यानंतर त्याच्याबरोबर सेल्फीची मागणी होते. चेतनसाठी हा नवा अनुभव आहे. तसंच दिग्दर्शक इम्तियाज अली, आशुतोष गोवारीकर यांच्याकडून 'फोटोकॉपी'मधल्या अभिनयाबद्दल त्याला कौतुकाची थाप मिळाली. 'फोटोकॉपी'च्या निमित्तानं सिनेजगताला मिळालेला नवा चेहरा चेतन येत्या काळात अनेक सिनेमांमध्ये दिसणार आहे. सचिन कुंडलकर दिग्दर्शित 'वजनदार' या मराठी तर 'पाखी' या हिंदी आगामी समांतर सिनेमातून चेतन पुन्हा पडद्यावर झळकणार आहे. त्याचप्रमाणे सध्या आणखी एका मराठी सिनेमाचं काम सुरू असल्याचं चेतन सांगतो.
भन्नाट गाण्यांमुळे चर्चेत असलेल्या 'फोटोकॉपी'चा आणखी एक यूएसपी म्हणजे सिनेमातली फ्रेश जोडी. पर्ण पेठे आणि चेतन चिटणीस यांनी साकारलेली कॉलेजिअन्सची भूमिका भाव खाऊन जातेय.
प्रेक्षकांना कॉलेज जीवनाची सफर घडवून आणणारा ‘फोटोकॉपी’ हा मराठी सिनेमा नुकताच प्रदर्शित झालाय. भन्नाट गाण्यांमुळे चर्चेत असलेल्या 'फोटोकॉपी'चा आणखी एक यूएसपी म्हणजे सिनेमातली फ्रेश जोडी. पर्ण पेठे आणि चेतन चिटणीस यांनी साकारलेली कॉलेजिअन्सची भूमिका भाव खाऊन जातेय. प्रायोगिक नाटकांतून आपल्या करिअरला सुरुवात केलेली अभिनेत्री पर्ण पेठे यापूर्वी 'रमा माधव', 'वायझेड' सिनेमांतून दिसली आहे. परंतु पहिल्यांदाच कॅमेऱ्यासमोर जाणाऱ्या चेतन चिटणीससाठी या संपूर्ण सिनेमाचा प्रवास म्हणजे वेगळाच अनुभव आहे.
ऑडिशनच्या वेळी सतराशे मुलांमधून चेतनची निवड झाली होती. त्याच्यासाठी हे सिनेविश्व म्हणजे जणू कोड्यासारखंच होतं. ऑडिशनसाठी आलेल्या इतर मुलांप्रमाणेच चेतनच्या मनातदेखील, सिनेमात आपल्याला एखादी भूमिका मिळावी अशी इच्छा होती. पण नंतर चेतनची प्रमुख भूमिकेसाठीच निवड झाली. ऑडिशनपासून आता सिनेमा प्रदर्शित होईपर्यंतचा हा संपूर्ण प्रवास एखाद्या सुंदर स्वप्नासारखा आहे असं चेतन सांगतो. गिरीश ओक, वंदना गुप्ते यांसारख्या जाणकार कलाकारांबरोबर काम करायला मिळाल्याचा अधिक आनंद असल्याचं तो सांगतो.
चेतन मूळचा पुण्याचा असला तरी त्याचं कॉलेज शिक्षण तामिळनाडूमधील बोर्डिंग कॉलेजमध्ये झालं. लहानपणापासून चेतनला अभिनयाची आवड होती. त्यामुळे इंटरकॉलेजिएट नाट्यस्पर्धांमध्ये त्याचा सहभाग असायचा. अभिनय क्षेत्रात करिअर करायचं असं त्यानं आधीपासूनच ठरवलेलं होतं. 'या अभिनय प्रवासाला 'फोटोकॉपी'च्या निमित्तानं सुरुवात झाली आहे. यापूर्वी केवळ आवड म्हणून करत असलेल्या अभिनयाला दिग्दर्शक विजय मौर्य यांनी आकार दिला. छायालेखक मनोजकुमार यांनी कॅमेऱ्याशी मैत्री करायला शिकवली. एकप्रकारे, मला 'फोटोकॉपी'तून पुढील प्रवासाठी चेतना मिळाली', असं चेतननं 'मुंटा'शी संवाद साधताना सांगितलं.
स्टारडमचा थोडा-फार अनुभव चेतनलाही आता येऊ लागलाय. 'फोटोकॉपी सिनेमात होता तो हाच मुलगा..' असं म्हणत लोक त्याला ओळखू लागलेत. त्यानंतर त्याच्याबरोबर सेल्फीची मागणी होते. चेतनसाठी हा नवा अनुभव आहे. तसंच दिग्दर्शक इम्तियाज अली, आशुतोष गोवारीकर यांच्याकडून 'फोटोकॉपी'मधल्या अभिनयाबद्दल त्याला कौतुकाची थाप मिळाली. 'फोटोकॉपी'च्या निमित्तानं सिनेजगताला मिळालेला नवा चेहरा चेतन येत्या काळात अनेक सिनेमांमध्ये दिसणार आहे. सचिन कुंडलकर दिग्दर्शित 'वजनदार' या मराठी तर 'पाखी' या हिंदी आगामी समांतर सिनेमातून चेतन पुन्हा पडद्यावर झळकणार आहे. त्याचप्रमाणे सध्या आणखी एका मराठी सिनेमाचं काम सुरू असल्याचं चेतन सांगतो.