प्रभासकडून चाहत्यांना वाढदिवसाचं गिफ्ट

मटा ऑनलाइन वृत्त । मुंबई

'बाहुबली'फेम अभिनेता प्रभास यानं आपल्या वाढदिवसानिमित्त चाहत्यांना जबरदस्त भेट दिली आहे. 'बाहुबली'नंतर येऊ घातलेल्या त्याच्या 'साहो' चित्रपटाचं पहिलं पोस्टर आज प्रसिद्ध करण्यात आलं. या पोस्टरमुळं 'साहो'बद्दल चाहत्यांची उत्सुकता आणखी वाढली आहे.

प्रभासचा आज ३८वा वाढदिवस आहे. या वाढदिवसाचं औचित्य साधून प्रभासच्या बहुप्रतिक्षित 'साहो'चा फर्स्ट लूक रिलीज झालाय. 'साहो'मध्ये प्रभास एका वेगळ्या भूमिकेत दिसणार आहे. सोशल मीडियावर 'साहो'ची प्रचंड चर्चा आहे. तसंच, या पोस्टरला सोशल मीडियावर चांगला प्रतिसाद मिळत असून #SaahoFirstLook हा हॅशटॅग टॉप ट्रेंडमध्ये आहे.

Wishing our darling #Prabhas a very Happy Birthday. Here's #SaahoFirstLook !!!#HBDDarlingPrabhas pic.twitter.com/8fYTxEjPcl — UV Creations (@UV_Creations) October 23, 2017 'साहो'मधून बॉलिवूड अभिनेत्री श्रद्धा कपूर तेलुगू चित्रपटात पर्दापण करणार आहे. तेलुगूसह हा चित्रपट हिंदीतही रिलीज होणार आहे. प्रभास आणि श्रद्धाबरोबरच यात नील नितीन मुकेश, जॅकी श्रॉफ, चंकी पांडे आणि मंदिरा बेदी या कलाकारांचा समावेश आहे. पुढील वर्षी हा चित्रपट प्रदर्शित होणार आहे.