प्रभासला घाई लग्नाची, याच वर्षी करणार लग्न?

सिनेसृष्टीतील बाहुबली म्हणजेच प्रभास सध्या त्याच्या चित्रपटांपेक्षा लग्नाच्या बातम्यांमुळं चर्चेत असतो. प्रभास आणि अनुष्का शेट्टी लग्न करणार अशा बातम्या दोघांनीही नाकारल्या. आम्ही दोघंही चांगले मित्र आहोत. असं म्हणत त्यांनी लग्नाबाबत सर्व बातम्या टाळण्याचा प्रयत्न केला. असं असलं तरी प्रभास लवकरच लग्न करणार असल्याचे संकेत मिळत आहेत.

प्रभासच्या लग्नाबाबतचा खुलासा केलाय त्याच्या काकांनी, म्हणजेच तेलगू इंडस्ट्रीचे लोकप्रीय अभिनेते कृष्णम राजू यांनी. एका मुलाखतीदरम्यान त्यांना प्रभास कधी लग्न करणार, असे विचारले गेले. यावर कृष्णम यांनी प्रभास याचवर्षी लग्न करतोय. त्याची स्वत:चीही या वर्षी लग्न करण्याची इच्छा होती, असं त्यांनी सांगितलं.

प्रभासच्या काकांनी दिलेल्या या मुलाखतीची चांगलीच चर्चा होताना दिसतेय. प्रभास सध्या ‘साहो’ या चित्रपटात व्यग्र आहे. यात प्रभाससोबत श्रद्धा कपूर दिसणार आहे .