सोशल मीडियावर वायरल झालेल्या एका गाण्याच्या व्हिडिओमुळे एका रात्रीत प्रसिद्धीच्या झोतात आलेली अभिनेत्री प्रिया प्रकाश वारियार तिच्या त्या गाण्यामुळेच पुन्हा एकदा अडचणीत सापडण्याची शक्यता आहे. प्रियाचा आगामी चित्रपट 'ओरु अदार लव्ह'मधील या गाण्यातून इस्लाम धर्माविषयी आक्षेपार्ह वक्तव्य केल्याचा आरोप करत प्रिया आणि चित्रपटाचा दिग्दर्शक ओमर लुलू या दोघांविरोधात हैदराबादनंतर आता औरंगाबादमध्येही तक्रार करण्यात आली आहे. औरंगाबादमधील जिन्सी पोलिस ठाण्यात जनजागरण समिती महाराष्ट्र या संघटनेने ही तक्रार केली आहे.
तरीही गुगल सर्च ट्रेण्डमध्ये प्रिया हिट!
एकीकडे काही जणांकडून प्रियाच्या गाण्याला विरोध होतोय, तर दुसरीकडे मात्र त्याच गाण्याच्या व्हिडिओमुळे प्रियाच्या फॉलोअर्सच्या संख्येत वाढ होताना दिसतेय. ही वाढ इतकी झपाट्याने होतेय की प्रियाने सोशल मीडियावर एक अनोखा विक्रमच रचला आहे. गुगल सर्चच्या ट्रेण्डमध्ये प्रियाने सर्वाधिक सर्च केल्या जाणाऱ्या सनी लिओनीलाही मागे टाकलंय. केवळ सनीच नाही तर बॉलिवूडमधील आघाडीच्या अभिनेत्री कतरीना कैफ, आलिया भट, दीपिका पादुकोन यांनाही मागे टाकत प्रियाने गुगल सर्च ट्रेण्डमध्ये बाजी मारलीय.
इन्स्टाग्रामवर प्रियाच्या फॉलोअर्सची संख्याही तुफान वाढली आहे. तिच्या फॉलोअर्सनी ३५ लाखांचा आकडाही पार केलाय. त्यामुळे सोशल मीडियावर अतिशय कमी वेळेत सर्वाधिक फॉलो होणाऱ्या सेलिब्रिटींच्या यादीत जाऊन ती पोहोचली आहे.
'ओरु अदार लव्ह' या मल्ल्याळम चित्रपटातून प्रिया प्रकाश वारियार मल्ल्याळम चित्रपटसृष्टीत पदार्पण करतेय. नॅशनल क्रश ठरलेल्या प्रियाच्या चित्रपटाची सर्वांनाच उत्सुकता लागली आहे. येत्या ३ मार्चला तिचा हा रोमॅण्टिक कॉमेडी चित्रपट प्रदर्शित होणार आहे.
तरीही गुगल सर्च ट्रेण्डमध्ये प्रिया हिट!
एकीकडे काही जणांकडून प्रियाच्या गाण्याला विरोध होतोय, तर दुसरीकडे मात्र त्याच गाण्याच्या व्हिडिओमुळे प्रियाच्या फॉलोअर्सच्या संख्येत वाढ होताना दिसतेय. ही वाढ इतकी झपाट्याने होतेय की प्रियाने सोशल मीडियावर एक अनोखा विक्रमच रचला आहे. गुगल सर्चच्या ट्रेण्डमध्ये प्रियाने सर्वाधिक सर्च केल्या जाणाऱ्या सनी लिओनीलाही मागे टाकलंय. केवळ सनीच नाही तर बॉलिवूडमधील आघाडीच्या अभिनेत्री कतरीना कैफ, आलिया भट, दीपिका पादुकोन यांनाही मागे टाकत प्रियाने गुगल सर्च ट्रेण्डमध्ये बाजी मारलीय.
इन्स्टाग्रामवर प्रियाच्या फॉलोअर्सची संख्याही तुफान वाढली आहे. तिच्या फॉलोअर्सनी ३५ लाखांचा आकडाही पार केलाय. त्यामुळे सोशल मीडियावर अतिशय कमी वेळेत सर्वाधिक फॉलो होणाऱ्या सेलिब्रिटींच्या यादीत जाऊन ती पोहोचली आहे.
'ओरु अदार लव्ह' या मल्ल्याळम चित्रपटातून प्रिया प्रकाश वारियार मल्ल्याळम चित्रपटसृष्टीत पदार्पण करतेय. नॅशनल क्रश ठरलेल्या प्रियाच्या चित्रपटाची सर्वांनाच उत्सुकता लागली आहे. येत्या ३ मार्चला तिचा हा रोमॅण्टिक कॉमेडी चित्रपट प्रदर्शित होणार आहे.