मुंबई:
नजरेच्या बाणांनी देशभरातील तरुणांना घायाळ करणारी अभिनेत्री प्रिया प्रकाश वारियर ही तिच्या आगामी चित्रपटात बॉलिवूडच्या दिवंगत अभिनेत्री श्रीदेवी यांच्या भूमिकेत दिसणार असल्याची चर्चा आहे. 'श्रीदेवी बंगलो' असं या चित्रपटाचं नाव असून त्यात प्रिया प्रमुख व्यक्तिरेखा साकारणार आहे.
नुकताच या चित्रपटाचा ट्रिझर प्रदर्शित झाला. यातील अभिनेत्रीचा मृत्यू बाथटबमध्ये झाल्याचं दाखवण्यात आलं आहे. त्यामुळं हा चित्रपट श्रीदेवी यांच्यावरच आधारित असल्याचं बोललं जात आहे. प्रिया प्रकाश हिनं मात्र याबद्दल थेट काही बोलणं टाळलं. 'श्रीदेवी बंगलो' चित्रपटाची कथा स्त्रीप्रधान आणि थोडी वेगळ्या धाटणीची असल्यानं हा चित्रपट स्वीकारला. मी यात श्रीदेवी नावाच्या एका लेडी सुपरस्टारची भूमिका करतेय. मात्र, हा चित्रपट अभिनेत्री श्रीदेवींच्या जीवनावर आधारित आहे की नाही हे लोकच ठरवतील,' असं ती म्हणाली. चित्रपटाचा काही भाग लंडनमध्ये चित्रित झाला असून हे शूटिंग संपवून प्रिया नुकतीच भारतात परतली आहे.
प्रियाने या अगोदर 'ओरु अदार लव्ह' या मल्याळम चित्रपटात काम केलं असून हा चित्रपट १४ फेब्रुवारीला प्रदर्शित होणार आहे. याच चित्रपटातील एका गाण्यातील दिलखेचक अदांमुळं ती रातोरात स्टार झाली. त्यानंतर आता ती 'श्रीदेवी बंगलो'तून बॉलिवूडमध्ये पदार्पण करतेय. या चित्रपटाचं दिग्दर्शन प्रशांत माम्बुलीनं केलं असून अभिनेता प्रियांशु चटर्जी सुद्धा मुख्य भूमिकेत दिसणार आहे.
नजरेच्या बाणांनी देशभरातील तरुणांना घायाळ करणारी अभिनेत्री प्रिया प्रकाश वारियर ही तिच्या आगामी चित्रपटात बॉलिवूडच्या दिवंगत अभिनेत्री श्रीदेवी यांच्या भूमिकेत दिसणार असल्याची चर्चा आहे. 'श्रीदेवी बंगलो' असं या चित्रपटाचं नाव असून त्यात प्रिया प्रमुख व्यक्तिरेखा साकारणार आहे.
नुकताच या चित्रपटाचा ट्रिझर प्रदर्शित झाला. यातील अभिनेत्रीचा मृत्यू बाथटबमध्ये झाल्याचं दाखवण्यात आलं आहे. त्यामुळं हा चित्रपट श्रीदेवी यांच्यावरच आधारित असल्याचं बोललं जात आहे. प्रिया प्रकाश हिनं मात्र याबद्दल थेट काही बोलणं टाळलं. 'श्रीदेवी बंगलो' चित्रपटाची कथा स्त्रीप्रधान आणि थोडी वेगळ्या धाटणीची असल्यानं हा चित्रपट स्वीकारला. मी यात श्रीदेवी नावाच्या एका लेडी सुपरस्टारची भूमिका करतेय. मात्र, हा चित्रपट अभिनेत्री श्रीदेवींच्या जीवनावर आधारित आहे की नाही हे लोकच ठरवतील,' असं ती म्हणाली. चित्रपटाचा काही भाग लंडनमध्ये चित्रित झाला असून हे शूटिंग संपवून प्रिया नुकतीच भारतात परतली आहे.
प्रियाने या अगोदर 'ओरु अदार लव्ह' या मल्याळम चित्रपटात काम केलं असून हा चित्रपट १४ फेब्रुवारीला प्रदर्शित होणार आहे. याच चित्रपटातील एका गाण्यातील दिलखेचक अदांमुळं ती रातोरात स्टार झाली. त्यानंतर आता ती 'श्रीदेवी बंगलो'तून बॉलिवूडमध्ये पदार्पण करतेय. या चित्रपटाचं दिग्दर्शन प्रशांत माम्बुलीनं केलं असून अभिनेता प्रियांशु चटर्जी सुद्धा मुख्य भूमिकेत दिसणार आहे.