मुंबई
विद्या बालनचा गोड आवाज आणि अभिनयामुळे अनेकांना भावलेला 'तुम्हारी सुलू' आता वादाच्या भोवऱ्यात अडकला आहे. चित्रपटातील दृश्यात केलेल्या एका कफ सिरपच्या जाहिरातीमुळे चित्रपट निर्माते अडचणीत आले आहेत. कोणताही वैधानिक इशारा न देता ही कफ सिरपची जाहिरात सर्रास टीव्हीवर दाखवण्यात येत असल्यानं फूड अँड ड्रग्ज अॅडमिनिस्ट्रेशन(एफडीए)कडून चित्रपटाची निर्मिती करणाऱ्या टी-सिरीजला नोटीस पाठवण्यात आली आहे.
या चित्रपटात विद्या बालन रेडिओ जॉकीच्या भूमिकेत दिसते. विद्या रेडिओ स्टेशनवर एक शो होस्ट करत असताना तिला खोकला येतो आणि तेव्हा ती कफ सिरप घेते, असं दृश्य आहे. हे दृश्य अनेकदा चित्रपटाचे प्रमोशन करणाऱ्या टीव्हीवरील जाहिरातीमध्येही दाखवण्यात आले आहे. अशा जाहिराती टीव्हीवर दाखवताना 'डॉक्टरांच्या सल्ल्याशिवाय औषध घेऊ नका' असा वैधानिक इशारा देणे बंधनकारक आहे. परंतु, या नियमाचे पालन न करताच सतत जाहिरात दाखवण्यात आल्याने वैद्यकीय क्षेत्रातील एका तज्ज्ञाने एफडीएकडे तक्रार नोंदवली होती. या तक्रारीची दखल घेत सिरपची तपासणी करत एफडीएने टी-सिरीजला नोटीस पाठवली. कफ सिरपमध्ये आरोग्याला अपायकारक अशी तत्त्व आढळून आल्याचे एफडीएने नोटीसमध्ये नमूद केले आहे.
या वादानंतर टी-सीरीजनेही या संदर्भात स्पष्टीकरण दिले. त्या प्रोडक्टशी आमचा काही संबंध नसून त्या कफ सिरपच्या दर्जासाठी त्यांचा ब्रँड जबाबदार आहे, असे टी- सीरिजचे अध्यक्ष विनोद भानुशाली यांनी स्पष्ट केले.
विद्या बालनचा गोड आवाज आणि अभिनयामुळे अनेकांना भावलेला 'तुम्हारी सुलू' आता वादाच्या भोवऱ्यात अडकला आहे. चित्रपटातील दृश्यात केलेल्या एका कफ सिरपच्या जाहिरातीमुळे चित्रपट निर्माते अडचणीत आले आहेत. कोणताही वैधानिक इशारा न देता ही कफ सिरपची जाहिरात सर्रास टीव्हीवर दाखवण्यात येत असल्यानं फूड अँड ड्रग्ज अॅडमिनिस्ट्रेशन(एफडीए)कडून चित्रपटाची निर्मिती करणाऱ्या टी-सिरीजला नोटीस पाठवण्यात आली आहे.
या चित्रपटात विद्या बालन रेडिओ जॉकीच्या भूमिकेत दिसते. विद्या रेडिओ स्टेशनवर एक शो होस्ट करत असताना तिला खोकला येतो आणि तेव्हा ती कफ सिरप घेते, असं दृश्य आहे. हे दृश्य अनेकदा चित्रपटाचे प्रमोशन करणाऱ्या टीव्हीवरील जाहिरातीमध्येही दाखवण्यात आले आहे. अशा जाहिराती टीव्हीवर दाखवताना 'डॉक्टरांच्या सल्ल्याशिवाय औषध घेऊ नका' असा वैधानिक इशारा देणे बंधनकारक आहे. परंतु, या नियमाचे पालन न करताच सतत जाहिरात दाखवण्यात आल्याने वैद्यकीय क्षेत्रातील एका तज्ज्ञाने एफडीएकडे तक्रार नोंदवली होती. या तक्रारीची दखल घेत सिरपची तपासणी करत एफडीएने टी-सिरीजला नोटीस पाठवली. कफ सिरपमध्ये आरोग्याला अपायकारक अशी तत्त्व आढळून आल्याचे एफडीएने नोटीसमध्ये नमूद केले आहे.
या वादानंतर टी-सीरीजनेही या संदर्भात स्पष्टीकरण दिले. त्या प्रोडक्टशी आमचा काही संबंध नसून त्या कफ सिरपच्या दर्जासाठी त्यांचा ब्रँड जबाबदार आहे, असे टी- सीरिजचे अध्यक्ष विनोद भानुशाली यांनी स्पष्ट केले.