कंडोम जाहिरातीमुळं सनी लिओनी पुन्हा वादात

मटा ऑनलाइन वृत्त । सूरत

बॉलिवूडची 'हिट अँड हॉट' गर्ल सनी लिओनी कंडोमच्या जाहिरातीमुळं पुन्हा एकदा वादात अडकली आहे. 'मॅनफोर्स' या कंडोम कंपनीनं गुजरातमधील काही भागांत सनीच्या फोटोसह नवरात्रीच्या शुभेच्छा देणारे पोस्टर लावले आहेत. या पोस्टरवर 'या नवरात्रीला खेळा पण प्रेमाने' असा गुजराती भाषेतील संदेश देण्यात आला आहे. या आक्षेपार्ह पोस्टरमुळं लोकांमध्ये संतापाची लाट उसळली आहे.

शहरात नवरात्रोत्सवाची जोरदार तयारी सुरू असताना सनी लिओनीच्या कंडोमच्या जाहिरातीचे पोस्टर जागोजागी लागले आहेत. सोशल मीडियातून या प्रकारावर जोरदार टीका होत आहे. ‘या जाहिरातीतील मजकूर मी वाचला. जाहिरातीच्या बॅनरवर दिलेली माहिती पूर्णपणे चुकीची आहे. नवरात्रीचा उत्सव हा प्रेम करण्याचा उत्सव नाही. हा उत्सव नृत्य आणि परंपरांचं पालन करणारा आहे. कंपनीला त्यांच्या उत्पादनांची जाहिरातच करायची असेल तर त्यांनी अन्य व्यासपीठांचा वापर करावा,' अशा प्रतिक्रिया काहींनी दिल्या आहेत. मॅनफोर्सवाल्यांनी दांडियाचं नातं सेक्सशी जोडलं आहे. कमाईसाठी ते दांडियाचा वापर करत आहेत,' असा संताप काहींनी व्यक्त केला आहे.
Manforce Condoms actually trying to cash in on Navratri, they have equated Dandiya playing with sex. Wonderful. pic.twitter.com/sby8xaq3Cd — Mitra Joshi (@mitrajo) September 19, 2017 हिंदू युवा वाहिनीनं या जाहिरातींचा तीव्र निषेध केला आहे. 'कंडोमच्या जाहिरातींचा संबंध नवरात्रीशी जोडला गेल्यानं हिंदूंच्या धार्मिक भावना दुखावल्या आहेत. ही होर्डिंग्स तातडीनं न हटवल्यास तीव्र निदर्शनं करण्यात येतील,' असा इशारा 'हिंदू युवा वाहिनी'चे अध्यक्ष नरेंद्र चौधरी यांनी दिला आहे. भविष्यात असले प्रकार खपवून घेतले जाणार नाहीत,' असंही त्यांनी म्हटलं आहे.