मुंबई:
आजकाल सोशल मीडियावर कधी आणि काय व्हायरल होईल याचा काही नेम नाही. अनुष्का शर्मानंतर आता सोशल मीडियावर चर्चा आहे ती अभिनेत्री राधिका आपटेची खिल्ली उडवणाऱ्या मीम्सची. मीम्स हा विनोदी पद्धतीने एखाद्याला ट्रोल करण्याचा सध्याचा सर्वात लोकप्रिय प्रकार आहे. याची जाणीव असल्यानं राधिकानंही तिच्या नावानं व्हायरल होणारे मीम्स खिलाडूपणे स्वीकारले आहेत.
राधिका आपटे हिच्या आडनावावरून सध्या वेगवेगळे मीम्स व्हायरल होत आहेत. आपटे, काँपते, भाँपते, डाँटते अशा पद्धतीनं नेटकरांनी तिचं बारसं केलं असून ही नावं तिच्या वेगवेगळ्या फोटोंशी मॅच करण्यात आली आहेत. 'बॉम्बे टाइम्स'शी बोलताना तिनं या साऱ्या प्रकारावर मनमोकळं मत मांडलं. 'मला मीम्स खूप आवडतात. माझ्यावर बनलेले मीम्स देखील खूपच मजेशीर आहेत. या मीम्समुळं मला अतोनात प्रसिद्धी मिळत आहे. इतक्या प्रसिद्धीची खरंतर मला सवय नाही. स्ट्रिमिंग सर्व्हिसने माझ्यावर बनवलेला व्हिडिओही मला खूप आवडला. खूपच धम्माल व्हिडिओ आहे तो, असं ती म्हणाली.
कलात्मक सिनेमापासून ते इंटरनेट सेन्सेशन बनण्यापर्यंतच्या प्रवासाबद्दलही तिनं आपली मतं मांडली. 'मी सर्व प्रकारची कामं करते. त्यामुळं माझ्या अभिनय प्रवासात फार मोठा बदल झाला आहे, असं वाटत नाही. बिग बजेट फिल्म, शॉर्ट फिल्म, कमर्शिअल फिल्म, डिजिटल प्लॅटफॉर्म फिल्म, टेलिव्हिजन आणि थिएटर सर्व काही मी करते आणि करणार आहे. मी स्वत:वर कोणतीही बंधनं घालून घेतलेली नाहीत. मला जे योग्य वाटतं ते करत राहीन,' असंही तिनं स्पष्ट केलं.
आजकाल सोशल मीडियावर कधी आणि काय व्हायरल होईल याचा काही नेम नाही. अनुष्का शर्मानंतर आता सोशल मीडियावर चर्चा आहे ती अभिनेत्री राधिका आपटेची खिल्ली उडवणाऱ्या मीम्सची. मीम्स हा विनोदी पद्धतीने एखाद्याला ट्रोल करण्याचा सध्याचा सर्वात लोकप्रिय प्रकार आहे. याची जाणीव असल्यानं राधिकानंही तिच्या नावानं व्हायरल होणारे मीम्स खिलाडूपणे स्वीकारले आहेत.
राधिका आपटे हिच्या आडनावावरून सध्या वेगवेगळे मीम्स व्हायरल होत आहेत. आपटे, काँपते, भाँपते, डाँटते अशा पद्धतीनं नेटकरांनी तिचं बारसं केलं असून ही नावं तिच्या वेगवेगळ्या फोटोंशी मॅच करण्यात आली आहेत. 'बॉम्बे टाइम्स'शी बोलताना तिनं या साऱ्या प्रकारावर मनमोकळं मत मांडलं. 'मला मीम्स खूप आवडतात. माझ्यावर बनलेले मीम्स देखील खूपच मजेशीर आहेत. या मीम्समुळं मला अतोनात प्रसिद्धी मिळत आहे. इतक्या प्रसिद्धीची खरंतर मला सवय नाही. स्ट्रिमिंग सर्व्हिसने माझ्यावर बनवलेला व्हिडिओही मला खूप आवडला. खूपच धम्माल व्हिडिओ आहे तो, असं ती म्हणाली.
कलात्मक सिनेमापासून ते इंटरनेट सेन्सेशन बनण्यापर्यंतच्या प्रवासाबद्दलही तिनं आपली मतं मांडली. 'मी सर्व प्रकारची कामं करते. त्यामुळं माझ्या अभिनय प्रवासात फार मोठा बदल झाला आहे, असं वाटत नाही. बिग बजेट फिल्म, शॉर्ट फिल्म, कमर्शिअल फिल्म, डिजिटल प्लॅटफॉर्म फिल्म, टेलिव्हिजन आणि थिएटर सर्व काही मी करते आणि करणार आहे. मी स्वत:वर कोणतीही बंधनं घालून घेतलेली नाहीत. मला जे योग्य वाटतं ते करत राहीन,' असंही तिनं स्पष्ट केलं.