राजकुमार रावचा आशिया पॅसिफिक पुरस्कारानं गौरव

मटा ऑनलाइन वृत्त । मुंबई

बॉलिवूड अभिनेता राजकुमार रावच्या करिअरची गाडी सध्या चांगलीच धावतेय. त्याचा 'न्यूटन' हा चित्रपट भारताकडून ऑस्कर पुरस्कारासाठी निवडण्यात आलाय. अन् आता आशिया पॅसिफिक स्क्रीन पुरस्कार सोहळ्यात न्यूटनमधील अभिनयासाठी राजकुमार रावला सर्वोत्कृष्ट अभिनेता म्हणून गौरवण्यात आलंय.

हा पुरस्कार राजकुमारनं त्याच्या आईला समर्पित केला आहे. पुरस्कार मिळाल्यानंतर त्यानं एक ट्विट करून हा आनंद आपल्या चाहत्यांसोबत शेअर केलाय.'आशियातील प्रतिष्ठेच्या आशिया पॅसिफिक स्क्रीन पुरस्कार सोहळ्यात सर्वोत्कृष्ट अभिनेता म्हणून माझी निवड झाली आहे. धन्यवाद आई आणि टीम न्यूटन... आपल्या स्वप्नांचा पाठलाग करणे थांबवू नका, कारण ती नक्कीच खरी होतात,' असं देखील त्यानं लिहिलं आहे.
Won the best actor award at the most prestigious #APSA2017 (Asia Pacific Screen Awards). Thank you Maa. Thank u team #Newton. Don’t stop chasing your dreams because they really do come true. pic.twitter.com/4GPRqRHyd1 — Rajkummar Rao (@RajkummarRao) November 23, 2017 यंदाच्या पुरस्कार सोहळ्यात दोन पारितोषिकं पटकावणारा 'न्यूटन' हा एकमेव भारतीय चित्रपट ठरला आहे. राजकुमार सोबतच मयांक तिवारी आणि अमित मसुरकर यांना या चित्रपटाच्या सर्वोत्कृष्ट पटकथेसाठी पारितोषिक मिळालं आहे.