डिट्टो संजूबाबा ! सोशल मीडियावर रणबीरचा फोटो लीक

मटा ऑनलाइन वृत्त । मुंबई

बॉलिवूडचा चॉकलेट बॉय अभिनेता रणबीर कपूर सध्या संजय दत्तच्या जीवनावर आधारित चित्रपटाच्या शूटिंगमध्ये बिझी आहे. या सिनेमाबद्दल आणि रणबीरच्या लूकबद्दल खूप गुप्तता बाळगण्यात येत असून रणबीरला बाहेर जाण्यासही बंदी घालण्यात आली आहे. मात्र तरीही रणबीरचा 'संजय दत्त' लूक लीक झाला असून सोशल मीडियावर याची खूप चर्चा सुरू आहे. 'निळ्या रंगाचा शर्ट, दाढी-मिशा आणि कपाळावर लाल टिळा' असा प्रौढ रुपातला रणबीर हुबेहूब संजय सारखाच दिसत आहे.

या चित्रपटासाठी रणबीर खूप मेहनत घेत असून त्याने जीममध्येही कसून मेहनत केली आहे. सिनेमात संजय दत्तच्या आयुष्यातले सहा वेगवेगळे टप्पे दाखवण्यात येणार असल्यामुळे रणबीरही वेगवेगळ्या रूपात दिसेल. काही दिवसांपूर्वी चित्रपटातील रणबीरचा एक लूक लीक झाला होता, त्यानंतर खबरदारी म्हणून सिनेमाच्या निर्मात्यांनी रणबीरच्या बाहेर फिरण्यावर निर्बंध घातले. सिनेमा प्रदर्शित होईपर्यंत रणबीरनं कुठल्याही जाहीर कार्यक्रमात दिसू नये, असा आदेश निर्माता आणि दिग्दर्शकानी दिला होता.

  This is #EPIC! #RanbirKapoor snapped shooting for the #SanjayDutt biopic looking like a doppelganger of the actor. Blown away! A post shared by Filmfare (@filmfare) on Apr 12, 2017 at 6:17am PDT