रणवीर - दिपीकाचा 'तो' फोटो झाला व्हायरल

मटा ऑनलाइन वृत्त । मुंबई

बॅालिवुडचे मोस्ट हॅपनिंग कपल म्हणून ओळखले जाणारे रणवीर व दिपीका हे त्यांच्या प्रेमप्रकरणामुळे नेहमीच चर्चेत असतात. पण यावेळेस ते चर्चेत आले आहेत ते एका फोटोमुळे. इंटरनेटवर व्हायरल झालेल्या या छायाचित्रात रणवीर व दीपिका एकमेकाना किस करण्यात मग्न आहेत.


खरंतर हा फोटो २०१५ मध्ये एका फोटोशूटच्या दरम्यान काढण्यात आला आहे. सोशल मीडियावर एका चाहत्याने हा फोटो शेअर करत 'हा फोटो पाहून मला धक्का बसला आहे' अशी कॅप्शन दिली होती.



रणवीर - दीपिका यांनी अजुनतरी त्यांच्या नात्याबाबत अळीमिळी गुपचिळी ठेवली आहे. पण बऱ्याच कार्यक्रमांना ती दोघं एकत्र जातात. काही दिवसांपूर्वी लोअर परळ मधील एका नाइट क्लब मध्ये त्यांनी एकत्र डिनरही केले. दीपिकाचा पुर्वाश्रमीचा प्रियकर युवराज सिंग हासुद्धा यावेळी तिथे उपस्थित होता.