रोहितच्या अॅक्शनपटात दिसणार रणवीर सिंग

मटा ऑनलाइन वृत्त | मुंबई

'दे मार'पट बनिवण्यासाठी ओळखल्या जाणाऱ्या रोहित शेट्टीच्या आगामी चित्रपटात बॉलिवूडचा सध्याचा आघाडीचा अभिनेता रणवीर सिंग दिसणार आहे. पहिल्यांदाच तो रोहितच्या चित्रपटात दिसणार असल्यानं या चित्रपटाबाबत उत्सुकता आहे.

पुढच्या वर्षी मे किंवा जूनमध्ये या चित्रपटाच्या शूटिंगला सुरुवात होईल, असं सांगितलं जातं. 'हा चित्रपट हाणामारीनं भरलेला असेल. त्यामुळं लोकांना खूप आवडेल,' असा विश्वास रोहितनं व्यक्त केलाय. रणवीर सिंगकडून अॅक्शन अभिनेत्याची भूमिका करून घेणं आव्हान असेल, असंही तो म्हणाला. रोहित शेट्टीची टीम सध्या चित्रपटाच्या स्क्रीप्टवर शेवटचा हात फिरवतेय, असं समजतं.