नवी दिल्ली:
राझी चित्रपटात आलिया भट्टनं साकारलेली सेहमत खान नावाची गुप्तहेर खरोखरच अस्तित्वात होती. १९७१साली तिने हेरगिरी करून पाकिस्तानी नौदलाच्या हालचालींची माहितीही भारताला पुरवली होती. मात्र, काही कारणास्तव इतकी वर्षे तिची ओळख लपवून ठेवण्यात आली होती. हे गुपित लवकरच सार्वजनिक होणार आहे. येत्या जूनमध्ये खऱ्या सेहमतचं नाव आणि फोटो जाहीर करणार आहेत.
'राझी' हा सिनेमा हरिंदर सिक्का या सेवानिवृत्त लष्करी अधिकाऱ्याने लिहिलेल्या 'कॉलिंग सेहमत' या कादंबरीवर आधारित आहे. पाकिस्तानातील लष्करी अधिकाऱ्याच्या घरात जाऊन भारतीय लष्करापर्यंत सगळी माहिती पोहोचवणारी सेहमत पंजाबमधल्या मलेरकोटा भागात हरिंदर सिक्का यांना भेटली होती. सिक्का यांनी सेहमतच्या इच्छेखातर तिची ओळख तब्बल दहा वर्षे लपवून ठेवली. तिची ओळख जाहीर झाली असती तर तिच्या जिवाला धोका निर्माण झाला असता, हेही एक कारण त्यामागे होतं. मात्र, राझी सिनेमा प्रदर्शित व्हायच्या काही दिवस आधीच सेहमतचं झोपेतच निधन झालं. तिच्या मृत्यूनंतर सेहमतचे कुटुंबीय तिची ओळख जाहीर करण्यास 'राजी' झाले आहेत. त्यांच्या परवानगीनंतर आता हरिंदर सिक्का हे जून महिन्यात तिचं नाव आणि फोटो प्रसिद्ध करणार आहेत.
प्रियकराचा विरोध
दिल्ली विद्यापीठात शिकत असताना सेहमत प्रेमात पडली होती. तिचा प्रियकर अजूनही जिवंत असून सेहमतची ओळख जाहीर करण्यास त्यानंही विरोध केला आहे. काश्मीरचे माजी मुख्यमंत्री फारूक अब्दुल्ला यांनीसुद्धा तिचं खरं नाव जाहीर करण्यास विरोध केला आहे. तसं पत्रच त्यांनी हरिंदर सिक्कांना लिहिलं आहे.
राझी चित्रपटात आलिया भट्टनं साकारलेली सेहमत खान नावाची गुप्तहेर खरोखरच अस्तित्वात होती. १९७१साली तिने हेरगिरी करून पाकिस्तानी नौदलाच्या हालचालींची माहितीही भारताला पुरवली होती. मात्र, काही कारणास्तव इतकी वर्षे तिची ओळख लपवून ठेवण्यात आली होती. हे गुपित लवकरच सार्वजनिक होणार आहे. येत्या जूनमध्ये खऱ्या सेहमतचं नाव आणि फोटो जाहीर करणार आहेत.
'राझी' हा सिनेमा हरिंदर सिक्का या सेवानिवृत्त लष्करी अधिकाऱ्याने लिहिलेल्या 'कॉलिंग सेहमत' या कादंबरीवर आधारित आहे. पाकिस्तानातील लष्करी अधिकाऱ्याच्या घरात जाऊन भारतीय लष्करापर्यंत सगळी माहिती पोहोचवणारी सेहमत पंजाबमधल्या मलेरकोटा भागात हरिंदर सिक्का यांना भेटली होती. सिक्का यांनी सेहमतच्या इच्छेखातर तिची ओळख तब्बल दहा वर्षे लपवून ठेवली. तिची ओळख जाहीर झाली असती तर तिच्या जिवाला धोका निर्माण झाला असता, हेही एक कारण त्यामागे होतं. मात्र, राझी सिनेमा प्रदर्शित व्हायच्या काही दिवस आधीच सेहमतचं झोपेतच निधन झालं. तिच्या मृत्यूनंतर सेहमतचे कुटुंबीय तिची ओळख जाहीर करण्यास 'राजी' झाले आहेत. त्यांच्या परवानगीनंतर आता हरिंदर सिक्का हे जून महिन्यात तिचं नाव आणि फोटो प्रसिद्ध करणार आहेत.
प्रियकराचा विरोध
दिल्ली विद्यापीठात शिकत असताना सेहमत प्रेमात पडली होती. तिचा प्रियकर अजूनही जिवंत असून सेहमतची ओळख जाहीर करण्यास त्यानंही विरोध केला आहे. काश्मीरचे माजी मुख्यमंत्री फारूक अब्दुल्ला यांनीसुद्धा तिचं खरं नाव जाहीर करण्यास विरोध केला आहे. तसं पत्रच त्यांनी हरिंदर सिक्कांना लिहिलं आहे.