...आज पुन्हा आई गमावली: संजय दत्त

मटा ऑनलाइन वृत्त । मुंबई

सिने-नाट्यसृष्टीवर अमीट ठसा उमटवणाऱ्या ज्येष्ठ अभिनेत्री रीमा लागू यांचे निधनामुळे सिने-नाट्यसृष्टीवर शोककळा पसरली आहे. रीमा यांच्या निधनामुळे मी पुन्हा आई गमावली असल्याची भावूक प्रतिक्रिया अभिनेता संजय दत्तने व्यक्त केली.

'मैने प्यार किया', 'हम आपके है कौन', 'कुछ कुछ होता है', 'कयामत सें कयामत तक', 'कल हो ना हो', यासारख्या सिनेमांमधून शाहरुख खान, सलमान खान, काजोल, जुही चावला यांची 'ग्लॅमरस आई' म्हणून त्यांनी भूमिका साकारली होती. मात्र, १९९९ साली प्रदर्शित झालेल्या 'वास्तव'मधील रघुभाईची कणखर आईची भूमिका चांगलीच गाजली होती. रीमा यांच्या निधनामुळे आज पुन्हा आई गमावल्याचे दु:ख असल्याचे म्हणत संजय दत्तने आपल्या भावना व्यक्त केल्या. रीमा यांच्यासोबत अनेकदा काम केले आहे. दरवेळेस काम करताना त्यांच्याकडून नवीन गोष्टी शिकण्यास मिळायच्या असेही संजय दत्त याने म्हंटले.

संजय दत्त आणि रीमा लागू यांनी वास्तव, गुमराह, साजन आदी चित्रपटात एकत्र काम केले आहे. वास्तव आणि साजन चित्रपटात रीमा यांनी संजय दत्तच्या आईची भूमिका साकारली होती. संजय दत्त आणि रीमा लागू यांच्यात अवघ्या एका वर्षाचे अंतर आहे.