मटा ऑनलाइन वृत्त । मुंबई
अमिताभ बच्चन आणि ऋषी कपूर यांची जोडी तब्बल २६ वर्षांनंतर रुपेरी पडद्यावर एकत्र झळकणार आहे. '१०२ नॉट आउट' या आगामी चित्रपटात ते दिसणार आहेत. इतकंच नव्हे, हे दोघे हरहुन्नरी कलाकार एकत्रं गाणंही गाणार असल्याची चर्चा आहे.
चित्रपटाचे दिग्दर्शक उमेश शुक्ला आणि ऋषी कपूर यांनी स्टुडिओत संगीत दिग्दर्शक सलीम-सुलेमान यांनी रेकॉर्ड केलेली गाणी ऐकली. त्याचवेळी चित्रपटात अमिताभ बच्चन आणि ऋषी कपूर यांनी मिळून एक गाणं गायला हवं, अशी कल्पना सुचली. परंतु, अद्याप या निर्णयावर शिक्कामोर्तब झालेलं नाही. अमिताभ बच्चन सध्या आपल्या वाढदिवसानिमित्त मालदीवमध्ये आहेत. ते पुन्हा मुंबईत आल्यानंतरच याविषयी काहीतरी ठाम निर्णय घेण्यात येणार असल्याचं बोललं जात आहे.
अमिताभ बच्चन यांनी यापूर्वीही होली खेले रघुवीरा... रंग बरसे... मेरे अंगने में... यासारखी एकापेक्षा एक सरस गाणी गायली आहेत. परंतु अमिताभ बच्चन आणि ऋषी कपूर या दोन जुन्या मित्रांना एकत्र गाताना ऐकणे ही रसिकांसाठी नक्कीच पर्वणी ठरेल. सोम्या जोशी हिच्या '१०२ नॉट आउट' या नाटकावर आधारित हा चित्रपट आहे. या चित्रपटात अमिताभ बच्चन १०२ वर्षाच्या वयोवृद्धाची तर ऋषी कपूर हे अमिताभ यांच्या ७५ वर्षांच्या मुलाची भूमिका करणार आहेत.
अमिताभ बच्चन आणि ऋषी कपूर यांची जोडी तब्बल २६ वर्षांनंतर रुपेरी पडद्यावर एकत्र झळकणार आहे. '१०२ नॉट आउट' या आगामी चित्रपटात ते दिसणार आहेत. इतकंच नव्हे, हे दोघे हरहुन्नरी कलाकार एकत्रं गाणंही गाणार असल्याची चर्चा आहे.
चित्रपटाचे दिग्दर्शक उमेश शुक्ला आणि ऋषी कपूर यांनी स्टुडिओत संगीत दिग्दर्शक सलीम-सुलेमान यांनी रेकॉर्ड केलेली गाणी ऐकली. त्याचवेळी चित्रपटात अमिताभ बच्चन आणि ऋषी कपूर यांनी मिळून एक गाणं गायला हवं, अशी कल्पना सुचली. परंतु, अद्याप या निर्णयावर शिक्कामोर्तब झालेलं नाही. अमिताभ बच्चन सध्या आपल्या वाढदिवसानिमित्त मालदीवमध्ये आहेत. ते पुन्हा मुंबईत आल्यानंतरच याविषयी काहीतरी ठाम निर्णय घेण्यात येणार असल्याचं बोललं जात आहे.
अमिताभ बच्चन यांनी यापूर्वीही होली खेले रघुवीरा... रंग बरसे... मेरे अंगने में... यासारखी एकापेक्षा एक सरस गाणी गायली आहेत. परंतु अमिताभ बच्चन आणि ऋषी कपूर या दोन जुन्या मित्रांना एकत्र गाताना ऐकणे ही रसिकांसाठी नक्कीच पर्वणी ठरेल. सोम्या जोशी हिच्या '१०२ नॉट आउट' या नाटकावर आधारित हा चित्रपट आहे. या चित्रपटात अमिताभ बच्चन १०२ वर्षाच्या वयोवृद्धाची तर ऋषी कपूर हे अमिताभ यांच्या ७५ वर्षांच्या मुलाची भूमिका करणार आहेत.