मुंबई:
उपचारासाठी अमेरिकेला गेलेले बॉलिवूड अभिनेते ऋषी कपूर यांच्या प्रकृतीविषयी अनेक तर्क वितर्क लावले जात आहेत. ऋषी कपूर यांना तिसऱ्या टप्प्यातील कर्करोग झाला असल्याच्या बातम्या अनेक संकेसस्थळांवर आहेत. असं असलं तरी या सगळ्या अफवा असल्याचं ऋषी कपूर यांचे भाऊ रणधीर कपूर यांनी स्पष्ट केलं आहे.
'ऋषी कपूर यांच्यावर अमेरिकेत उपचार सुरू आहेत. त्यांना नेमका कोणता आजार झालाय हे अद्यापही समजू शकलं नाही. त्यांच्या वैद्यकीय चाचण्या व्हायच्या आहेत. रिपोर्ट आल्यानंतरच काही गोष्टी स्पष्ट होतील. रिपोर्ट येईल तेव्हा आम्ही याची माहिती देऊ. तोपर्यंत ऋषी यांच्या तब्येतीबद्दल जे तर्क-वितर्क लढवले जात आहेत ते थांबवा, असं रणधीर यांनी म्हटलं आहे.
मागील आठवड्यात ऋषी कपूर यांनी 'मी कामातून ब्रेक घेऊन उपचारासाठी अमेरिकेला जात आहे. त्यामुळं माझ्या आजारपणाविषयी कोणताही चुकीचा तर्क काढू नका. माझी काळजीही करू नका. मी गेल्या ४५ वर्षांपासून चित्रपटांमध्ये काम करत आहे. आपल्या सर्वांच्या प्रेमाखातर मी लवकरच परत येईन,' असं त्यांनी ट्विटमध्ये म्हटलं होतं. ऋषी कपूर यांच्यासोबत सध्या त्यांची पत्नी नितू आणि मुलगा रणबीर देखील आहेत.
१ ऑक्टोबरला ऋषी कपूर यांच्या आईचं निधन झाल्यानंतर ऋषी कपूर त्यांच्या अंतिमदर्शनाला देखील आले नाहीत त्यामुळं त्यांच्यावर किमोथेरपी सुरू होणार असल्याच्या चर्चांना उधाण आलं होतं.
उपचारासाठी अमेरिकेला गेलेले बॉलिवूड अभिनेते ऋषी कपूर यांच्या प्रकृतीविषयी अनेक तर्क वितर्क लावले जात आहेत. ऋषी कपूर यांना तिसऱ्या टप्प्यातील कर्करोग झाला असल्याच्या बातम्या अनेक संकेसस्थळांवर आहेत. असं असलं तरी या सगळ्या अफवा असल्याचं ऋषी कपूर यांचे भाऊ रणधीर कपूर यांनी स्पष्ट केलं आहे.
'ऋषी कपूर यांच्यावर अमेरिकेत उपचार सुरू आहेत. त्यांना नेमका कोणता आजार झालाय हे अद्यापही समजू शकलं नाही. त्यांच्या वैद्यकीय चाचण्या व्हायच्या आहेत. रिपोर्ट आल्यानंतरच काही गोष्टी स्पष्ट होतील. रिपोर्ट येईल तेव्हा आम्ही याची माहिती देऊ. तोपर्यंत ऋषी यांच्या तब्येतीबद्दल जे तर्क-वितर्क लढवले जात आहेत ते थांबवा, असं रणधीर यांनी म्हटलं आहे.
१ ऑक्टोबरला ऋषी कपूर यांच्या आईचं निधन झाल्यानंतर ऋषी कपूर त्यांच्या अंतिमदर्शनाला देखील आले नाहीत त्यामुळं त्यांच्यावर किमोथेरपी सुरू होणार असल्याच्या चर्चांना उधाण आलं होतं.