पूरग्रस्तांसाठी रितेश-जेनेलियाची २५ लाखांची मदत

मुंबई: पूरग्रस्त कोल्हापूर आणि सांगलीकरांच्या मदतीसाठी सामान्य जनतेपासून ते अनेक कंपन्या, संस्था पुढं आल्या. मराठी कलावंतही पुढे सरसावल्यानंतर बॉलिवूडची मंडळी कुठं गायब आहेत? अशी विचारणा करण्यात येत होती. बॉलिवूडमधील अभिनेता रितेश देशमुख आणि त्याची पत्नी जेनेलिया डिसूजा यांनी नुकतीच मुख्यमंत्री देवेंद्र फडणवीस यांची भेट घेऊन पूरग्रस्तांसाठी २५ लाखाची मदत केली आहे. त्यांनी २५ लाखांचा चेक मुख्यमंत्री मदत निधीसाठी दिला असल्याची माहिती मुख्यमंत्र्यांनी ट्विटरद्वारे दिली.

महाराष्ट्रात राहतात... प्रसिद्धी कमवतात.... कोटींची कमाई करतात... मात्र, महाराष्ट्रात एखादी आपत्ती आली की, एकही बॉलिवूड सेलिब्रिटी मदतीसाठी पुढं येत नाही, असा संताप सोशल मीडियावर व्यक्त होताना दिसत आहे. रितेश आणि जेनेलिया यांनी केलेल्या मदतीनं अनेकांनी स्वागत केलं असून इतर सेलिब्रिटींनीही मदतीसाठी पुढं आलं पाहिजे असं मत अनेकांनी सोशल मीडियावर मांडलं आहे.

रितेशनं हा व्हिडीओ त्याच्या ट्विटर अकाऊंटवर शेअर केला आहे. ‘प्राण वाचवणाऱ्या जवानांप्रती कृतज्ञतेची भावना व्यक्त करत या महिला साहसी जवानांना राख्या बांधत आहेत. हीच आपली संस्कृती आहे. जय हिंद,’ असं त्यानं या व्हिडीओच्या कॅप्शनमध्ये लिहिलं आहे.