मुंबई: टीव्ही अभिनेता कुशल पंजाबी याचं वयाच्या ३७ व्या वर्षी मुंबईतील पाली हिल भागातील राहत्या घरी गळफास लावून आत्महत्या केल्यानं मनोरंजन विश्वात खळबळ उडाली आहे. त्याच्या मित्रांनी सोशल मीडियावर कुशलसोबत फोटो शेअर करत आठवणींना उजाळा दिला.
कुशलचा जवळचा मित्र अभिनेता रोहित रॉय यानं सोशल मीडियावर पोस्ट लिहून कुशलची माफी मागितली आहे. 'तुझ्या दिलखुलास हास्यामागे एक अस्वस्थ मन असेल असा विचारही कोणाच्या डोक्यात आला नसता. जेव्हा तुला आमची सर्वात जास्त गरज होती तेव्हा आम्ही तुझ्यासोबत नव्हतो. त्यासाठी मनापासून माफी मागतो. तू आमच्यासोबत नाहीस हे मन मानायला तयार नाही. तुझ्या वेदना, तुझ्या मनातील घालमेल आम्हाला कधीच समजणार नाही. तुला जगण्यापेक्षा मृत्यू स्वीकारणे अधिक सोप्पं वाटलं म्हणजे तू किती त्रासात दिवस काढत असशील... ' असं त्यानं लिहिलंय.
रोहित रॉयने मानसिक आरोग्याची काळजी घेण्याचं आवाहनही सगळ्यांना केलंय. 'मानसिक आरोग्याची काळजी घ्यायला पाहिजे. मानसिक आजाराविषयी लपवण्यासारखं, लाज वाटून घेण्यासारखं काहीही नाही. तुमच्या मनात काय सुरू आहे हे शेअर करत राहा....तुमच्या जवळच्या माणसांशी, मित्रांशी बोलत राहा...तुमचं मन त्यांच्याजवळ मोकळं करत राहा...एखादी व्यक्ती बिझी आहे असं तुम्हाला वाटतं असलं तरी त्या व्यक्तीशी बोलण्याचा प्रयत्न सोडू नका. ते नक्कीच वेळ काढतील. माणुसकी अजून संपलेली नाही.' असं त्यानं लिहिलंय.
कुशलनं वांद्रे पाली हिल येथील घरात आत्महत्या केल्याची घटना गुरुवारी रात्री उघडकीस आली. कुशल याचा मृतदेह घरात गळफास लावलेल्या स्थितीत आढळला. घटनास्थळी पोलिसांना चिठ्ठी सापडली असून यासाठी कुणाला जबाबदार धरू नये असे कुशल याने नमूद केले आहे. गुरुवारी दिवसभर कुशलच्या घरचा दरवाजा बंद असल्याचे शेजारच्या कुटुंबांच्या लक्षात आले. वांद्रे पोलिसांनी घटनास्थळी जाऊन दरवाजा तोडला असता कुशल घरातील पंख्याला गळफास लावलेल्या स्थितीत आढळला. मृतदेहाजवळ इंग्रजीमध्ये लिहिलेली चिठ्ठी सापडली असून माझ्या मृत्यूस कोणालाही जबाबदार धरू नये असे कुशलने यात म्हटले आहे. तसेच आपल्या पश्चात संपत्तीचे वाटप कसे करावे हे देखील त्याने चिठ्ठीमध्ये लिहिले आहे.
कुशलचा जवळचा मित्र अभिनेता रोहित रॉय यानं सोशल मीडियावर पोस्ट लिहून कुशलची माफी मागितली आहे. 'तुझ्या दिलखुलास हास्यामागे एक अस्वस्थ मन असेल असा विचारही कोणाच्या डोक्यात आला नसता. जेव्हा तुला आमची सर्वात जास्त गरज होती तेव्हा आम्ही तुझ्यासोबत नव्हतो. त्यासाठी मनापासून माफी मागतो. तू आमच्यासोबत नाहीस हे मन मानायला तयार नाही. तुझ्या वेदना, तुझ्या मनातील घालमेल आम्हाला कधीच समजणार नाही. तुला जगण्यापेक्षा मृत्यू स्वीकारणे अधिक सोप्पं वाटलं म्हणजे तू किती त्रासात दिवस काढत असशील... ' असं त्यानं लिहिलंय.
रोहित रॉयने मानसिक आरोग्याची काळजी घेण्याचं आवाहनही सगळ्यांना केलंय. 'मानसिक आरोग्याची काळजी घ्यायला पाहिजे. मानसिक आजाराविषयी लपवण्यासारखं, लाज वाटून घेण्यासारखं काहीही नाही. तुमच्या मनात काय सुरू आहे हे शेअर करत राहा....तुमच्या जवळच्या माणसांशी, मित्रांशी बोलत राहा...तुमचं मन त्यांच्याजवळ मोकळं करत राहा...एखादी व्यक्ती बिझी आहे असं तुम्हाला वाटतं असलं तरी त्या व्यक्तीशी बोलण्याचा प्रयत्न सोडू नका. ते नक्कीच वेळ काढतील. माणुसकी अजून संपलेली नाही.' असं त्यानं लिहिलंय.
कुशलनं वांद्रे पाली हिल येथील घरात आत्महत्या केल्याची घटना गुरुवारी रात्री उघडकीस आली. कुशल याचा मृतदेह घरात गळफास लावलेल्या स्थितीत आढळला. घटनास्थळी पोलिसांना चिठ्ठी सापडली असून यासाठी कुणाला जबाबदार धरू नये असे कुशल याने नमूद केले आहे. गुरुवारी दिवसभर कुशलच्या घरचा दरवाजा बंद असल्याचे शेजारच्या कुटुंबांच्या लक्षात आले. वांद्रे पोलिसांनी घटनास्थळी जाऊन दरवाजा तोडला असता कुशल घरातील पंख्याला गळफास लावलेल्या स्थितीत आढळला. मृतदेहाजवळ इंग्रजीमध्ये लिहिलेली चिठ्ठी सापडली असून माझ्या मृत्यूस कोणालाही जबाबदार धरू नये असे कुशलने यात म्हटले आहे. तसेच आपल्या पश्चात संपत्तीचे वाटप कसे करावे हे देखील त्याने चिठ्ठीमध्ये लिहिले आहे.