'सचिन: अ बिलियन ड्रीम्स' चा ट्रेलर आला हो...!

मटा ऑनलाइन वृत्त । मुंबई

'क्रिकेटचा देव' अशी ओळख असणारा सर्वांचा लाडका मास्टर ब्लास्टर सचिन तेंडुलकर याच्या 'सचिन: अ बिलियन ड्रीम्स' या बायोपिकचा (चरित्रपट) ट्रेलर अखेर प्रदर्शित झाला आहे. खुद्द सचिनने ट्विटर अकाउंटवरून ट्रेलरची लिंक शेअर केली आहे.

२.१३ सेकंदांच्या या व्हिडीओला अवघ्या काही वेळातच हजारो लाईक्स आणि शेअर मिळाले आहेत. या बायोपिकचे दिग्दर्शन जेम्स एरिस्किन केले असून ऑस्कर विजेता संगीत दिग्दर्शक ए.आर.रेहमानने संगीत दिले आहे.

या बायोपिरकमध्ये सचिनचा बालपणापासून ते क्रिकेटचा देव होण्यापर्यंतचा प्रवास चित्रीत करण्यात आला असून त्याचे कुटुंबीय, मित्र, आचरेकर सर यांच्यासोबतचे त्याचे नातेही दाखवण्यात आले. येत्या २६ मे रोजी हा बायोपिक रिलीज होणार असून सचिनचे जगभरातील चाहते त्याची उत्सुकतेने वाट पाहत आहेत. The stage is set and we are ready to begin… #SachinTrailer is out now. Here it is! https://t.co/T3oWyZw3DL — sachin tendulkar (@sachin_rt) April 13, 2017