मटा ऑनलाइन वृत्त । मुंबई
'सचिssन सचिन' या जयघोषानं आजही क्रिकेटविश्व भारून टाकलं आहे. तो तालबद्ध गजर ऐकून क्रिकेटप्रेमींच्या अंगावर रोमांच उभे राहतात. पण, या जयघोषाचा जन्म कधी आणि कसा झाला, याचं 'गोड गुपित' खुद्द सचिन तेंडुलकरनं उलगडलं आहे.
आपल्या बॅटने टीकाकारांना, प्रतिस्पर्धांना चोख उत्तरं देण्यात माहीर असलेला मास्टर ब्लास्टर सचिन तेंडुलकर तितकाच हजरजबाबीही आहे, हे वेगळं सांगायची गरज नाही. त्याचाच प्रत्यय 'सचिन सचिन' या गाण्याच्या रिलीजवेळी आला. 'सचिन सचिन' हा नारा तू पहिल्यांदा कधी ऐकलास, या प्रश्नावर सचिननं असं मजेशीर उत्तर दिलं की सभागृहात एकच हशा पिकला.
'लहानपणी मी वांद्र्यातील कलानगरमध्ये राहत होतो. तिथे जेव्हा मी मित्रांसोबत क्रिकेट खेळत असायचो, तेव्हा आई मला घरी बोलावण्यासाठी 'सचिन.. सचिन' अशी हाका मारायची. बहुधा तेव्हाच या नाऱ्याचा जन्म झाला असावा', असं मातृभक्त सचिननं हसत हसत सांगितलं आणि उपस्थितांनी टाळ्यांचा गजर केला.
'सचिssन सचिन' हा जयघोष क्रिकेटविश्वात अजरामर झाला आहे. ही महती लक्षात घेऊनच, 'सचिनः ए बिलियन ड्रीम्स' या चित्रपटात 'सचिन सचिन' हे गाणं घेण्यात आलंय. या गाण्याला ए आर रेहमानचं संगीत आहे आणि सुखविंदर सिंगनं ते गायलंय. त्याचा व्हिडिओ मंगळवारी लॉन्च करण्यात आला. तो पाहून सचिनच्या चेहऱ्यावर वेगळाच आनंद पाहायला मिळाला. त्यातील काही प्रसंग पाहून तो काही क्षण भूतकाळातही हरवला.
सुरुवातीच्या काळात सरावासाठी इनडोअर व्यवस्था नव्हती. त्यावेळी पावसाळ्यात पीचवर पाणी साचलेलं असतानाही आम्ही सराव करायचो, अशी आठवण त्यानं व्हिडिओतील एक दृश्य पाहून सांगितली.
'सचिन सचिन' हा जयघोष माझ्या निवृत्तीनंतरही सुरूच राहील, अशी कल्पनाही मी केली नव्हती. पण आता तो थिएटरमध्येही घुमणार आहे. मला खरंच खूप आनंद वाटतोय, अशा भावनाही त्यानं व्यक्त केल्या. सचिssन सचिन हा जयघोष आजन्म माझ्या लक्षात राहील, असे भावुक उद्गार सचिननं वानखेडे स्टेडियमवरील आपल्या निरोपाच्या भाषणातही काढले होते.
A trip down memory lane. Nostalgia hits! #SachinSachin Thank you all for such love & support! #SachinABillionDreams https://t.co/eUgTektiDH — sachin tendulkar (@sachin_rt) May 9, 2017
'सचिssन सचिन' या जयघोषानं आजही क्रिकेटविश्व भारून टाकलं आहे. तो तालबद्ध गजर ऐकून क्रिकेटप्रेमींच्या अंगावर रोमांच उभे राहतात. पण, या जयघोषाचा जन्म कधी आणि कसा झाला, याचं 'गोड गुपित' खुद्द सचिन तेंडुलकरनं उलगडलं आहे.
आपल्या बॅटने टीकाकारांना, प्रतिस्पर्धांना चोख उत्तरं देण्यात माहीर असलेला मास्टर ब्लास्टर सचिन तेंडुलकर तितकाच हजरजबाबीही आहे, हे वेगळं सांगायची गरज नाही. त्याचाच प्रत्यय 'सचिन सचिन' या गाण्याच्या रिलीजवेळी आला. 'सचिन सचिन' हा नारा तू पहिल्यांदा कधी ऐकलास, या प्रश्नावर सचिननं असं मजेशीर उत्तर दिलं की सभागृहात एकच हशा पिकला.
'लहानपणी मी वांद्र्यातील कलानगरमध्ये राहत होतो. तिथे जेव्हा मी मित्रांसोबत क्रिकेट खेळत असायचो, तेव्हा आई मला घरी बोलावण्यासाठी 'सचिन.. सचिन' अशी हाका मारायची. बहुधा तेव्हाच या नाऱ्याचा जन्म झाला असावा', असं मातृभक्त सचिननं हसत हसत सांगितलं आणि उपस्थितांनी टाळ्यांचा गजर केला.
'सचिssन सचिन' हा जयघोष क्रिकेटविश्वात अजरामर झाला आहे. ही महती लक्षात घेऊनच, 'सचिनः ए बिलियन ड्रीम्स' या चित्रपटात 'सचिन सचिन' हे गाणं घेण्यात आलंय. या गाण्याला ए आर रेहमानचं संगीत आहे आणि सुखविंदर सिंगनं ते गायलंय. त्याचा व्हिडिओ मंगळवारी लॉन्च करण्यात आला. तो पाहून सचिनच्या चेहऱ्यावर वेगळाच आनंद पाहायला मिळाला. त्यातील काही प्रसंग पाहून तो काही क्षण भूतकाळातही हरवला.
सुरुवातीच्या काळात सरावासाठी इनडोअर व्यवस्था नव्हती. त्यावेळी पावसाळ्यात पीचवर पाणी साचलेलं असतानाही आम्ही सराव करायचो, अशी आठवण त्यानं व्हिडिओतील एक दृश्य पाहून सांगितली.
'सचिन सचिन' हा जयघोष माझ्या निवृत्तीनंतरही सुरूच राहील, अशी कल्पनाही मी केली नव्हती. पण आता तो थिएटरमध्येही घुमणार आहे. मला खरंच खूप आनंद वाटतोय, अशा भावनाही त्यानं व्यक्त केल्या. सचिssन सचिन हा जयघोष आजन्म माझ्या लक्षात राहील, असे भावुक उद्गार सचिननं वानखेडे स्टेडियमवरील आपल्या निरोपाच्या भाषणातही काढले होते.
A trip down memory lane. Nostalgia hits! #SachinSachin Thank you all for such love & support! #SachinABillionDreams https://t.co/eUgTektiDH — sachin tendulkar (@sachin_rt) May 9, 2017