सागरिकाची ‘किक’

मुंबई टाइम्स टीम

अभिनेत्री सागरिका घाटगे बऱ्याच दिवसांनंतर मराठी सिनेमात चमकणार आहे. लवकरच तिचा 'मान्सून फुटबॉल' हा मराठी सिनेमा प्रेक्षकांच्या भेटीला येणार आहे. त्यामुळे सध्या ती मैदानावर फुटबॉलचे धडे गिरवते आहे. या सिनेमात सागरिका एका फुटबॉल संघाचं नेतृत्व करताना दिसेल. काही गृहिणी एकत्र येऊन फुटबॉलचा एक संघ तयार करतात, अशी या सिनेमाची कथा असल्याचं समजतं. या सिनेमाचं शूटिंग येत्या वर्षात सुरू होणार असून, सागरिकानं या सिनेमाची तयारी आत्तापासूनच सुरू केली आहे. याआधी 'चक दे इंडिया' या हॉकीवर आधारित हिंदी सिनेमात ती खेळाडू म्हणून दिसली होती. प्रीती सब्रवाल असे तिच्या व्यक्तिरेखेचं नाव होतं. सागरिकानं अभिनेता अतुल कुलकर्णीसोबत 'प्रेमाची गोष्ट' या मराठी सिनेमात काम केलं होतं.