कपिलच्या शोमध्ये होणार ‘झिंग झिंग झिंगाट’

मटा ऑनलाइ वृत्त। मुंबई
महाराष्ट्रालाच नव्हे तर संपूर्ण देशात चर्चेचा विषय ठरलेला ‘सैराट’ने बॉक्स ऑफिसवर दमदार कमाई करत नवा विक्रम केला. ‘सैराट’ची दखल छोट्या पडद्यावरील अनेक हिट शोमधून घेतली गेली. आता ‘सैराट’ची ही सुपर हिट टीम लवकरच ‘द कपिल शर्मा शो’ मध्ये दिसणार आहे.

दिग्दर्शक नागराज मंजुळेंसह रिंकू राजगूरू, आकाश ठोसर आणि सिनेमातील इतर कलाकारही कपिलच्या शोमध्ये हजेरी लावणार आहेत. कपिलच्या शोमध्ये एरव्ही बॉलिवूडच्या कलाकारांची गर्दी दिसते. आता सैराटच्या निमित्ताने प्रथमच एक मराठी चित्रपटाची टीम या शोमध्ये दिसणार आहे. याआधी आमीर खान, रितेश देशमुख, इम्रान खान या बॉलिवूड कलाकारांना ‘सैराट’चे कौतुक केले होते. आता कॉमेडी किंग कपिलनेही ‘सैराट’च्या यशाची दखल घेतली आहे. कपिलच्या शोवर आजवर अनेक बॉलिवूड कलाकर आले होते, पण पहिल्यादांच मराठी सिनेमा आणि त्यांचे कलाकार कपिलच्या शोमध्ये दिसणार आहेत.

सूत्रांनी दिलेल्या माहितीनूसार 'सैराट' सिनेमाच्या टीमसोबतचे चित्रिकरण आणि प्रसरणाची तारीख अद्याप कळाली नसली तरी हे सर्व कपिलच्या शोमध्ये येणार असल्याचे पक्के आहे.