अर्पिताला भेटायला गेली सलमानची सर्वात जवळची व्यक्ती

मुंबई- सलमान खानची बहीण अर्पिता खानने शुक्रवारी मुलीला जन्म दिला. अर्पिता आणि आयुष शर्माचं हे दुसरं आपत्य. सलमानच्या ५४ व्या वाढदिवसालाच अर्पिताने मुलीला जन्म दिला. अर्पिताना मुलीचं नाव आयत शर्मा असं ठेवलं.

सलमान खानने शनिवारी अर्पिता आणि भाचीची रुग्णालयात भेट घेतली. यावेळी आयतचा पहिला फोटो सोशल मीडिसमोर आला. या फोटोमध्ये सलमान आयतच्या कपाळावर किस करताना दिसत आहे. या फोटोमध्ये अर्पिताही दिसत आहे. अर्पिताने मला माझ्या वाढदिवसाला सर्वोत्तम भेट दिल्याचं सलमानने सांगितलं होतं. रुग्णालयात अर्पिता आणि आयतला भेटायला सलमानसोबत त्याची कथित प्रेयसी यूलिया वंतूरही पोहोचली होती. याशिवाय सलीम खान आणि सलमा खान दोघंही अर्पिताला भेटायला गेले होते.

आयुष शर्मा आणि अर्पिता खानने २०१४ मध्ये लग्न केलं. २०१६ मध्ये दोघांना पहिला मुलगा आहिल झाला. आयुषने लवयात्री सिनेमातून बॉलिवूडमध्ये पदार्पण केलं. या सिनेमात त्याच्यासोबत अभिनेत्री वरीना हुसैन होती.