मुंबई: 'बघतोस काय मुजरा कर', 'ये रे ये रे पैसा २' असे चित्रपट दिल्यानंतर हेमंत ढोमे आता 'सातारचा सलमान' हा नवीन चित्रपट घेऊन येतोय. सिनेसृष्टीतील कलाकार आणि इतर सेलिब्रिटींचं आकर्षण तुम्हा आम्हा सर्वांनाच असतं. असाच एक हौशी चाहता आणि कलाकार या चित्रपटातून प्रेक्षकाच्या भेटीला येणार आहे.
नावाप्रमाणेच हटके असणाऱ्या या चित्रपटात 'सलमान' नक्की कोण असणार, याची उत्सुकता सर्वानाच होती. याबद्दल अनेक दिवसांपासून चर्चा होती. अखेर 'सुयोग गोऱ्हे'याच्या नावावर शिक्कामोर्तब झालं आहे. सुयोग यापूर्वी गर्लफ्रेंड, बसस्टॉप, आम्ही बेफिकर, शेंटिमेंटल, कृतांत यांसारख्या चित्रपटांमधून आपल्या समोर आला आहे.सुयोग या सिनेमात अमित काळभोर ही व्यक्तिरेखा साकारत असून अमितला त्याच्या गावानं 'साताऱ्याचा सलमान' ही हटके ओळख दिली आहे.
दिग्दर्शक हेमंत ढोमे यानं नुकताच चित्रपटाचं पोस्टर सोशल मीडियावर शेअर केलं असून ‘सातारचा सलमान’ हा चित्रपट ११ ऑक्टोबर २०१९ रोजी प्रेक्षकांच्या भेटीला येणार आहे.
नावाप्रमाणेच हटके असणाऱ्या या चित्रपटात 'सलमान' नक्की कोण असणार, याची उत्सुकता सर्वानाच होती. याबद्दल अनेक दिवसांपासून चर्चा होती. अखेर 'सुयोग गोऱ्हे'याच्या नावावर शिक्कामोर्तब झालं आहे. सुयोग यापूर्वी गर्लफ्रेंड, बसस्टॉप, आम्ही बेफिकर, शेंटिमेंटल, कृतांत यांसारख्या चित्रपटांमधून आपल्या समोर आला आहे.सुयोग या सिनेमात अमित काळभोर ही व्यक्तिरेखा साकारत असून अमितला त्याच्या गावानं 'साताऱ्याचा सलमान' ही हटके ओळख दिली आहे.
दिग्दर्शक हेमंत ढोमे यानं नुकताच चित्रपटाचं पोस्टर सोशल मीडियावर शेअर केलं असून ‘सातारचा सलमान’ हा चित्रपट ११ ऑक्टोबर २०१९ रोजी प्रेक्षकांच्या भेटीला येणार आहे.