शानच्या युट्यूब चॅनेलचा ‘श्रीगणेशा’ मराठी गाण्यानं

मटा ऑनलाइन वृत्त । मुंबई

गायक शानच्या चाहत्यांना लवकरच त्याच्या युट्यूब चॅनेलवरून त्याच्या आवाजाची जादू ऐकायला मिळणार आहे. शानच्या युट्यूब चॅनेलचा ‘श्रीगणेशा’ बाप्पाच्या मराठी गाण्यानेच होणार आहे. नुकतच त्याचं ‘माझा बाप्पा श्री’ हे गाणं प्रकाशित करण्यात आलयं.

शशांक कोंडविलकर यांचे शब्द असून गणेश सुर्वे यांनी हे गाणं संगीतबद्ध केलं आहे. या गाण्यासाठी गिरगावातील गिरगाव ध्वज पथक, गजर, कलेश्वरनाथ, जगदंब, राजमुद्रा, स्वस्तिक अशा सहा लोकप्रिय ढोल-ताशा पथकानं साथ दिली आहे.

युट्यूब चॅनल सुरू करताना त्याची सुरूवात मराठी गाण्यानं व्हावी असं शानला वाटत होतं . गणेशोत्सवाच्या मुहूर्तावरच या गाण्याचं प्रकाशन झाल्यानं आनंद व्यक्त करताना हे गाणं प्रेक्षकांना नक्कीच आवडेल’ असा विश्वास शानने व्यक्त केला आहे.