चांगले पैसे मिळाले तर 'बिग बॉस'ही करेन: शाहरुख

मटा ऑनलाइन वृत्त । मुंबई

'चांगला मोबदला मिळणार असेल आणि दुसरं काही काम नसेल तर 'बिग बॉस'चं सूत्रसंचालन करायला मी तयार आहे,' असं अभिनेता शाहरुख खाननं म्हटलं आहे.

'टेड टॅाक' या रिअॅलिटी शोमधून शाहरुख खान पुन्हा एकदा छोट्या पडद्यावर दिसणार आहे. या कार्यक्रमाच्या तयारीत व्यग्र असलेल्या शाहरुखला अलीकडंच मीडियानं 'बिग बॉस'च्या सूत्रसंचालनाबद्दल विचारलं. त्यावर त्यानं वरील उत्तर दिलं. 'मला अजूनतरी कुणी अशी ऑफर दिलेली नाही. समजा, भविष्यात विचारले आणि मी दुसऱ्या कामात नसलो तर हा शो नक्की स्वीकारेन,' असं तो म्हणाला.