'हसीना पारकर'मधील आयटम साँग रिलीज

मटा ऑनलाइन वृत्त । मुबंई

कुख्यात गुंड दाऊद इब्राहीम याची बहीण हसीना पारकर हिच्या जीवनावर आधारित चित्रपट 'हसीना पारकर' हा चित्रपट २२ सप्टेंबरला प्रेक्षकांच्या भेटीला येणार आहे. गेल्या काही दिवसांपासून चर्चेत असलेल्या या चित्रपटातील आयटम साँग नुकतंच प्रदर्शित झालं आहे.

अंडरवर्ल्डची पार्श्वभूमी असलेल्या या चित्रपटात अपेक्षेनुसार एका आयटम साँगचा समावेश करण्यात आला आहे. 'पिया आ' असे या गाण्याचे बोल असून सारा अंजुली ही त्यावर थिरकताना दिसणार आहे. सारा अंजुली या गाण्यातून बॅालिवूडमध्ये पदार्पण करत आहेत.


'हसीना पारकर'चं दिग्दर्शन अपूर्व लखिया यांनी केलं असून श्रद्धा कपूर ही हसीनाच्या भूमिकेत दिसणार आहे. तर, सिद्धांत कपूर हा दाऊदची भूमिका साकारणार आहे. तर, अंकुर भाटिया हसीनाच्या पतीच्या भूमिकेत दिसेल.