उपयुक्त अॅप्सच ठेवा

आपले लाडके सेलिब्रेटी कोणते गॅजेट्‍स वापरतात? त्यांच्या गॅजेटविषयी आठवणी वाचायला चाहते नेहमीच उत्सुक असतात. वाचकहो, ‘टेक टॉक’ या सदरांतर्गत आपण सेलिब्रेटींशी टेकफुल गप्पा मारणार आहोत. अभिनेत्री शिवानी रांगोळे याच्याशी टेक्नॉलॉजीविषयावर मारलेल्या गप्पा...

सध्या कोणता स्मार्टफोन वापरत आहेस?

सध्या कोणता स्मार्टफोन वापरत आहेस?

- सॅमसंग गॅलेक्सी जे ७

स्मार्टफोनशिवाय इतर कोणते गॅजेट्स वापरतो?

- किंडल, टॅब

सर्वात पहिलं वापरलेलं गॅजेट कोणतं?

- नोकीयाचा अगदी बेसिक फोन

कोणतं फिचर जास्त भावतं?

- कोणत्याही गॅजेटचं स्टोरेज मला खूप भावतं. तसंच किंडलची सगळीच फिचर मला आवडतात.

गॅजेटचा प्रभावी वापर झाला आहे असा क्षण कोणता?

- एकदा वाशीला मध्यरात्रीच्या दरम्यान शूट संपलं होतं. जवळपास कोणतं हॉटेल उघडं असेल हे जाणून घेण्यापासून ते घरी सुखरुप पोहोचेपर्यंत अनेक अॅप्सची आम्हाला मदत झाली.

तुझा टेक्नॉलॉजीतला गुरू कोण?

- माझे बाबा. एखादं नवीन गॅजेट वापरणं शिकवण्यापासून ते दुरुस्त करुन देण्यापर्यंत मला बाबांची मदत होते. बाबांनीच मला पहिल्यांदा कम्प्युटर आणि व्हिडीओ गेम्सशी ओळख करुन दिली.

वाचकांना काय टिप्स देशील?

- आपण अनेकदा कित्येक निरुपयोगी अॅप्स डाऊनलोड करतो. त्यापेक्षा तुम्हाला उपयोगी असलेली अॅप्सच डाऊनलोड करा. तसंच सध्या गॅजेटला किती वेळ दिला पाहिजे, किती वेळानंतर गॅजेट बाजूला ठेवून दिलं पाहिजे हे सांगणारी अॅप्स आहेत. त्याचा जरुर वापर करा. यामुळे गॅजेटवर जास्त वेळ वाया जाणार नाही आणि सोशल मीडियाच्या आहारी जाण्याचीही शक्यता कमी होते.

सोशल साइट्सवर अॅक्टीव्ह आहेस का?

- हो, इन्स्टाग्रामवर जास्त अॅक्टीव्ह आहे.

दिवसातला किती वेळ सोशल मीडियावर घालवतेस?

- प्रवास करताना किंवा फावल्या वेळात फेसबुक, इन्स्टाग्राम बघते.