मटा ऑनलाइन वृत्त | मुंबई
अभिनेत्री सोनाक्षी सिन्हा आणि तिचे वडील शत्रुघ्न सिन्हा यांच्या फॅन्ससाठी आनंदाची बातमी आहे. बॉलिवूडमधील ही पिता-पुत्रीची जोडी एकत्र काम करण्यास आता सज्ज झालीय. परंतु, हे दोघेही कोणत्याही चित्रपटात झळकणार नसून एका लघुपटात काम करणार आहेत. आपल्या वडिलांच्या पाऊलावर पाऊल ठेवत आता सोनाक्षीही 'बेटी बचाओ,बेटी पढाओ' चा नारा देताना या लघुपटात दिसणार आहे.
या लघुपटाच्या माध्यमातून 'बेटी बचाओ,बेटी पढाओ' अभियानाचा प्रचार आणि प्रसार ही मंडळी करणार आहेत. विशेष म्हणजे या लघुपटाचे दिग्दर्शन शत्रुघ्न सिन्हांचा मुलगा आणि सोनाक्षीचा भाऊ कुश सिन्हा करणार आहे. आपल्या या नव्या प्रोजेक्टबाबत सांगताना कुश म्हणाला की, ' या लघुपटाच्या माध्यमातून आपण लोकांच्या मानसिकतेत बदल घडवू शकतो, असं मला वाटतं. त्यातच आमचं सपूर्ण कुटुंब एकाच प्रोजेक्टवर काम करत असल्याची ही पहिलीच संधी आहे. त्यामुळे आम्ही तिघेही प्रचंड उत्सुक आहोत. माझ्या वडिलांसोबत आणि बहिणीसोबत काम करत असल्याने एक दिग्दर्शक म्हणून त्यांच्या कलेला पूर्ण न्याय देण्याची जबाबदारी माझी आहे', असेही कुश म्हणाला.
या लघुपटात सोनाक्षी अंतराळवीर, बॉक्सर आणि वकील अशा तीन भूमिकांमध्ये दिसणार आहे. तर सगळ्या बॉलिवूडला 'खामोश' करणारा शत्रुघ्न सिन्हांचा आवाज पुन्हा एकदा या लघुपटाच्या माध्यमातून पडद्यावर ऐकायला मिळणार आहे.
अभिनेत्री सोनाक्षी सिन्हा आणि तिचे वडील शत्रुघ्न सिन्हा यांच्या फॅन्ससाठी आनंदाची बातमी आहे. बॉलिवूडमधील ही पिता-पुत्रीची जोडी एकत्र काम करण्यास आता सज्ज झालीय. परंतु, हे दोघेही कोणत्याही चित्रपटात झळकणार नसून एका लघुपटात काम करणार आहेत. आपल्या वडिलांच्या पाऊलावर पाऊल ठेवत आता सोनाक्षीही 'बेटी बचाओ,बेटी पढाओ' चा नारा देताना या लघुपटात दिसणार आहे.
या लघुपटाच्या माध्यमातून 'बेटी बचाओ,बेटी पढाओ' अभियानाचा प्रचार आणि प्रसार ही मंडळी करणार आहेत. विशेष म्हणजे या लघुपटाचे दिग्दर्शन शत्रुघ्न सिन्हांचा मुलगा आणि सोनाक्षीचा भाऊ कुश सिन्हा करणार आहे. आपल्या या नव्या प्रोजेक्टबाबत सांगताना कुश म्हणाला की, ' या लघुपटाच्या माध्यमातून आपण लोकांच्या मानसिकतेत बदल घडवू शकतो, असं मला वाटतं. त्यातच आमचं सपूर्ण कुटुंब एकाच प्रोजेक्टवर काम करत असल्याची ही पहिलीच संधी आहे. त्यामुळे आम्ही तिघेही प्रचंड उत्सुक आहोत. माझ्या वडिलांसोबत आणि बहिणीसोबत काम करत असल्याने एक दिग्दर्शक म्हणून त्यांच्या कलेला पूर्ण न्याय देण्याची जबाबदारी माझी आहे', असेही कुश म्हणाला.
या लघुपटात सोनाक्षी अंतराळवीर, बॉक्सर आणि वकील अशा तीन भूमिकांमध्ये दिसणार आहे. तर सगळ्या बॉलिवूडला 'खामोश' करणारा शत्रुघ्न सिन्हांचा आवाज पुन्हा एकदा या लघुपटाच्या माध्यमातून पडद्यावर ऐकायला मिळणार आहे.