मुंबई:
अभिनेत्री सोनम कपूर आणि तिचा मित्र आनंद अहुजा हे पुढील महिन्यात लग्नबंधनात अडकणार आहेत. मे महिन्याच्या दुसऱ्या आठवड्यात दोघे स्वित्झर्लंडमध्ये लग्न करणार आहेत. हा लग्न सोहळा सात दिवस रंगणार आहे, असं वृत्त आहे.
सोनमचे कुटुंबीय आणि खास मित्र या सोहळ्यासाठी एका आठवड्याची सुट्टी घेऊन स्वित्झर्लंडला जाणार आहेत. लग्नाआधी तेथेच दोघांचा साखरपुडा उरकण्यात येणार आहेत. सोनम आणि आनंदच्या लग्न सोहळ्यात त्यांच्या जवळच्या व्यक्तीच सहभागी होणार आहेत, असं सांगितलं जातं.
सोनम आणि आनंद यांच्या लग्नाची चर्चा गेल्या अनेक दिवसांपासून सुरू आहे. त्यांचं लग्न राजस्थानमधील उदयपूरमध्ये होईल, असं सुरुवातीला सांगण्यात येत होतं. मात्र, आता त्यांचं लग्न स्वित्झर्लंडमध्ये होणार असल्याचं वृत्त धडकलं आहे. याआधी विराट कोहली आणि अनुष्का शर्मा यांचं लग्न इटलीमध्ये झालं होतं. त्यांच्या लग्नाची खूप चर्चाही झाली होती. आता सोनम आणि आनंदच्या डेस्टिनेशन वेडिंगकडे सगळ्यांच्या नजरा आहेत.
अभिनेत्री सोनम कपूर आणि तिचा मित्र आनंद अहुजा हे पुढील महिन्यात लग्नबंधनात अडकणार आहेत. मे महिन्याच्या दुसऱ्या आठवड्यात दोघे स्वित्झर्लंडमध्ये लग्न करणार आहेत. हा लग्न सोहळा सात दिवस रंगणार आहे, असं वृत्त आहे.
सोनमचे कुटुंबीय आणि खास मित्र या सोहळ्यासाठी एका आठवड्याची सुट्टी घेऊन स्वित्झर्लंडला जाणार आहेत. लग्नाआधी तेथेच दोघांचा साखरपुडा उरकण्यात येणार आहेत. सोनम आणि आनंदच्या लग्न सोहळ्यात त्यांच्या जवळच्या व्यक्तीच सहभागी होणार आहेत, असं सांगितलं जातं.
सोनम आणि आनंद यांच्या लग्नाची चर्चा गेल्या अनेक दिवसांपासून सुरू आहे. त्यांचं लग्न राजस्थानमधील उदयपूरमध्ये होईल, असं सुरुवातीला सांगण्यात येत होतं. मात्र, आता त्यांचं लग्न स्वित्झर्लंडमध्ये होणार असल्याचं वृत्त धडकलं आहे. याआधी विराट कोहली आणि अनुष्का शर्मा यांचं लग्न इटलीमध्ये झालं होतं. त्यांच्या लग्नाची खूप चर्चाही झाली होती. आता सोनम आणि आनंदच्या डेस्टिनेशन वेडिंगकडे सगळ्यांच्या नजरा आहेत.