मुंबई टाइम्स टीम
'टेन्शन खल्लास' करण्यासाठी आलेला लाडका बाब्या कॅम्पसमध्ये आल्यानंतर पाटकरायट्सनी एकच जल्लोष केला. स्पोर्ट्स आयकॉन आंतरराष्ट्रीय नेमबाज राही सरनौबत, यॉटींगपटू स्वेता शेर्वेगार अन् सेलिब्रिटी स्टार सिद्धार्थ जाधव, सोनाली कुलकर्णी आणि अमेय वाघ यांच्या उपस्थितीत इंटरनॅशनल इन्स्टिट्यूट ऑफ स्पोर्ट्स मॅनेजमेंट प्रस्तुत 'मुंटा कार्निव्हल'चं दणक्यात उद्घाटन झालं आणि कार्निव्हलचा बहुप्रतिक्षित कल्ला सुरू झाला.
'हव्वा कुणाची रं, हव्वा मुंटा कार्निव्हलची रं...' म्हणत गोरेगावच्या पाटकर कॉलेजमध्ये सोमवारी सकाळी इंटरनॅशनल इन्स्टिट्यूट ऑफ स्पोर्ट्स मॅनेजमेंट प्रस्तुत 'मुंबई टाइम्स कार्निव्हल'नं वर्षाच्या सुरूवातीलाच कॉलेजविश्वात दणक्यात एंट्री घेतली. कॉलेजिअन्स वर्षभरापासून वाट पाहत असलेल्या 'कार्निव्हल'ची प्रतिक्षा अखेर लाडक्या स्वॅगवाल्या बाब्याच्या येण्यानं संपली. आंतरराष्ट्रीय नेमबाज राही सरनौबत, यॉटींगपटू स्वेता शेर्वेगार यांच्यासह मराठी मनोरंजनसृष्टीतील सिद्धार्थ जाधव, सोनाली कुलकर्णी आणि अमेय वाघ या चमचमत्या सिताऱ्यांच्या उपस्थितीत हा सोहळा दिमाखात रंगला.
एकीकडे जागतिक क्रीडा विश्वात भारताचा दबदबा निर्माण करणाऱ्या रणरागिणी तर दुसरीकडे मराठी मनोरंजनविश्वातील सळसळत्या उत्साहाचा झरा असलेले चमचमते सितारे पाहण्यासाठी पाटकरच्या कॅम्पसमध्ये तरूणांची गर्दी उसळली होती. चौफेर बाजूंनी विद्यार्थ्यांमधून येणाऱ्या 'टेन्शन खल्लास'च्या नाऱ्यांनी संपूर्ण कॅम्पस दुमदुमून गेला होता. सुरूवातीला राही, स्वेता आणि त्यानंतर सिद्धार्थ जाधव, अमेय वाघ, सोनाली कुलकर्णी यांच्या हस्ते हवेत फुगे सोडत कार्निव्हलचं बिगुल वाजलं. तरूणांच्या कलागुणांना वाव देणाऱ्या कार्निव्हलच्या व्यासपीठावर अनेक भन्नाट नृत्याविष्कार, बिटबॉक्सिंग, फ्लॅशमॉबचं सादरीकरणं पाहायला मिळाली. यंदा क्रीडा क्षेत्राचा गौरव करणाऱ्या मुंटा कार्निव्हलचं हे १९वं वर्ष पुढील आठवडाभर याच उत्साहात मुंबईतील विविध कॉलेजांमध्ये रंगणार आहे.
'टेन्शन खल्लास' करण्यासाठी आलेला लाडका बाब्या कॅम्पसमध्ये आल्यानंतर पाटकरायट्सनी एकच जल्लोष केला. स्पोर्ट्स आयकॉन आंतरराष्ट्रीय नेमबाज राही सरनौबत, यॉटींगपटू स्वेता शेर्वेगार अन् सेलिब्रिटी स्टार सिद्धार्थ जाधव, सोनाली कुलकर्णी आणि अमेय वाघ यांच्या उपस्थितीत इंटरनॅशनल इन्स्टिट्यूट ऑफ स्पोर्ट्स मॅनेजमेंट प्रस्तुत 'मुंटा कार्निव्हल'चं दणक्यात उद्घाटन झालं आणि कार्निव्हलचा बहुप्रतिक्षित कल्ला सुरू झाला.
'हव्वा कुणाची रं, हव्वा मुंटा कार्निव्हलची रं...' म्हणत गोरेगावच्या पाटकर कॉलेजमध्ये सोमवारी सकाळी इंटरनॅशनल इन्स्टिट्यूट ऑफ स्पोर्ट्स मॅनेजमेंट प्रस्तुत 'मुंबई टाइम्स कार्निव्हल'नं वर्षाच्या सुरूवातीलाच कॉलेजविश्वात दणक्यात एंट्री घेतली. कॉलेजिअन्स वर्षभरापासून वाट पाहत असलेल्या 'कार्निव्हल'ची प्रतिक्षा अखेर लाडक्या स्वॅगवाल्या बाब्याच्या येण्यानं संपली. आंतरराष्ट्रीय नेमबाज राही सरनौबत, यॉटींगपटू स्वेता शेर्वेगार यांच्यासह मराठी मनोरंजनसृष्टीतील सिद्धार्थ जाधव, सोनाली कुलकर्णी आणि अमेय वाघ या चमचमत्या सिताऱ्यांच्या उपस्थितीत हा सोहळा दिमाखात रंगला.
एकीकडे जागतिक क्रीडा विश्वात भारताचा दबदबा निर्माण करणाऱ्या रणरागिणी तर दुसरीकडे मराठी मनोरंजनविश्वातील सळसळत्या उत्साहाचा झरा असलेले चमचमते सितारे पाहण्यासाठी पाटकरच्या कॅम्पसमध्ये तरूणांची गर्दी उसळली होती. चौफेर बाजूंनी विद्यार्थ्यांमधून येणाऱ्या 'टेन्शन खल्लास'च्या नाऱ्यांनी संपूर्ण कॅम्पस दुमदुमून गेला होता. सुरूवातीला राही, स्वेता आणि त्यानंतर सिद्धार्थ जाधव, अमेय वाघ, सोनाली कुलकर्णी यांच्या हस्ते हवेत फुगे सोडत कार्निव्हलचं बिगुल वाजलं. तरूणांच्या कलागुणांना वाव देणाऱ्या कार्निव्हलच्या व्यासपीठावर अनेक भन्नाट नृत्याविष्कार, बिटबॉक्सिंग, फ्लॅशमॉबचं सादरीकरणं पाहायला मिळाली. यंदा क्रीडा क्षेत्राचा गौरव करणाऱ्या मुंटा कार्निव्हलचं हे १९वं वर्ष पुढील आठवडाभर याच उत्साहात मुंबईतील विविध कॉलेजांमध्ये रंगणार आहे.