डिंपल, सनी देओल लंडनमध्ये हातात हात घालून!

मटा ऑनलाइन वृत्त । मुंबई

पाकिस्तानी अभिनेत्री माहिरा खान आणि रणबीर कपूर यांची न्यूयॉर्कमधली छायाचित्रं व्हायरल होतात न होतात तोच आणखी एक कपल असंच व्हायरल झालं आहे. हे कपल म्हणजे अभिनेत्री डिंपल कपाडिया आणि अभिनेता सनी देओल. लंडनमध्ये एका रस्त्यावर हातात हात घालून बसलेल्या या दोघांचा व्हिडिओ व्हायरल झाला आहे.

मागच्याच महिन्यात आपला सिनेमा 'पोस्टर बॉईज' प्रदर्शित झाल्यानंतर सनी देओलने लंडनमध्ये आठवड्याभराचा व्हेकेशन प्लान बनवला होता. नेमकं एका चाहत्याने तिथे या दोघांना आपल्या कॅमेऱ्यात शूट केलं आणि कधी काळी एकमेकांच्या गाढ प्रेमात असणारी ही जोडी अजूनही प्रेमाच्या वाटेवरून ढळली नसल्याचेच पुढे आले आहे. डिंपलचा तेव्हा अभिनेता राजेश खन्नासोबत डिव्होर्स झाला होता, तर सनीचं लग्न झालं होतं. त्यावेळी जुळलेलं हे नातं पुढे ११ वर्षं कायम राहिलं. सनीची पत्नी पूजा देओल हिनेही याच कारणामुळे त्याच्यापासून वेगळं होण्याचा निर्णय घेतला. पण नंतर सनीचं नाव कधी अभिनेत्री रवीना टंडनसोबत तर कधी अमृता सिंह सोबत जोडलं जाऊ लागलं. पण तरीही सनी-डिंपल यांच्यात अतूट असं नातं असल्याची बातमी मुंबई मिररने दिली होती. या व्हिडिओतून त्यावर जणू शिक्कामोर्तब झालंय.

सनी देओल आणि डिंपल यांनी मंझिल मंझिल (१९८४), अर्जुन (१९८५), आग का गोला (१९८९), नरसिंह (१९९१), गुनाह (१९९३) या सिनेमांमध्ये एकत्र काम केले आहे.

VIDEO: डिंपल, सनी देओल लंडनमध्ये हातात हात घालून!#ViralVideo pic.twitter.com/0IaAHP5gJz — maharashtratimes.com (@mataonline) September 27, 2017