सनी लिओनीचा 'हॉरर व्हिडिओ' पाहिला का?

मटा ऑनलाइन वृत्त । मुंबई

बॉलिवूडची 'बेबी डॉल' सनी लिओनी सध्या सोशल मीडियावर चांगलीच चर्चेत आहे. इंस्टाग्रामवर टाकलेल्या वेगवेगळ्या फोटोमुळे सनी चर्चेत असून सनीनं नुकताच एक व्हिडिओ पोस्ट केला असून तो व्हिडिओ सुद्धा चांगलाच चर्चेत आला आहे. सनीच्या एका व्हिडिओला तासाभरात लाखो लोक पाहतात हे या व्हिडिओमुळे पुन्हा एकदा सिद्ध झालं आहे.

'हॉट' म्हणजेच सनी लिओनी आणि सनी लिओनी म्हणजेच 'हॉट' अशी समज करून बसलेल्या तिच्या चाहत्यांसाठी सनीचा हा व्हिडिओ थोडा धक्का देणारा आहे. सनीचा हा व्हिडिओ पाहिल्यानंतर अंगावर काटा उभा राहतो. अवघ्या काही सेंकदाच्या या व्हिडिओत सनी तिच्या चेहऱ्यावरची त्वचा काढतेय. सनीच्या गुलाबी गालावर रक्त पाहून तिच्या चाहत्यांना धक्काच बसला असेल. परंतु हा सर्व प्रकार म्हणजे तिच्या आगामी प्रोजेक्टचा एक भाग असून ती प्रोस्थेटिक्स मेकअपची मदत घेत असल्याचं तिनंच सांगितलं आहे.




सनी म्हणतेय, 'प्रोस्थेटिक किट सोबत काम करताना मजा येत आहे, या मेकअपचे वजन जरी जास्त असले तरी काम करताना मजा येतेय! मी हे सर्व करीत असले तरी माझा कोणताही हॉरर चित्रपट येत नसल्याचंही तिनं स्पष्ट केलं आहे. सनीचा हा 'हॉरर व्हिडिओ' अवघ्या तासाभरात दोन लाख लोकांनी पाहिला आहे. तर एक लाख लोकांनी त्याला लाईक्स केले आहेत.


Having fun on set with the prosthetic kit. So gross but so much fun!! And no I'm not shooting a horror film. Haha pic.twitter.com/B0FnMR0Txl — Sunny Leone (@SunnyLeone) September 23, 2017