नवी दिल्लीः
सनोज मिश्रा यांनी दिग्दर्शित केलेल्या 'राम की जन्मभूमी' चित्रपटाच्या प्रदर्शनाचा मार्ग मोकळा झाला असून, सर्वोच्च न्यायालयाने याला हिरवा कंदील दाखवला आहे. हा चित्रपट २९ मार्च रोजी प्रदर्शित होणार आहे.
राम की जन्मभूमी चित्रपटाच्या प्रदर्शनाच्या स्थगितीची मागणी करणारी याचिका सर्वोच्च न्यायालयात दाखल करण्यात आली होती. राम जन्मभूमीबाबतचा वाद सर्वोच्च न्यायालयात सुरू आहे. यावर अंतिम निर्णय झालेला नाही. अशातच हा चित्रपट प्रदर्शित करण्यात आला, तर याच्या मध्यस्थी प्रक्रियेवर प्रभाव पडू शकतो, असा दावा या याचिकेत करण्यात आला. या प्रकरणाची सुनावणी करताना न्यायमूर्ती एस. ए. भोबडे यांनी सांगितले की, या चित्रपटाचा आणि मध्यस्थ प्रक्रियेचा कोणताही संबंध नाही. राम जन्म भूमीबाबत दोन्ही पक्षांना तोडगा हवा आहे. आम्ही नकारात्मक विचारसरणी असणारे लोक नाही. चित्रपटाचे प्रदर्शन मध्यस्थ प्रक्रियेस अडथळा आणू शकत नाही, असे न्या. भोबडे यांनी स्पष्ट करत या चित्रपटाच्या प्रदर्शनास मंजुरी दिली.
सनोज मिश्रा यांनी दिग्दर्शित केलेल्या 'राम की जन्मभूमी' चित्रपटाच्या प्रदर्शनाचा मार्ग मोकळा झाला असून, सर्वोच्च न्यायालयाने याला हिरवा कंदील दाखवला आहे. हा चित्रपट २९ मार्च रोजी प्रदर्शित होणार आहे.
राम की जन्मभूमी चित्रपटाच्या प्रदर्शनाच्या स्थगितीची मागणी करणारी याचिका सर्वोच्च न्यायालयात दाखल करण्यात आली होती. राम जन्मभूमीबाबतचा वाद सर्वोच्च न्यायालयात सुरू आहे. यावर अंतिम निर्णय झालेला नाही. अशातच हा चित्रपट प्रदर्शित करण्यात आला, तर याच्या मध्यस्थी प्रक्रियेवर प्रभाव पडू शकतो, असा दावा या याचिकेत करण्यात आला. या प्रकरणाची सुनावणी करताना न्यायमूर्ती एस. ए. भोबडे यांनी सांगितले की, या चित्रपटाचा आणि मध्यस्थ प्रक्रियेचा कोणताही संबंध नाही. राम जन्म भूमीबाबत दोन्ही पक्षांना तोडगा हवा आहे. आम्ही नकारात्मक विचारसरणी असणारे लोक नाही. चित्रपटाचे प्रदर्शन मध्यस्थ प्रक्रियेस अडथळा आणू शकत नाही, असे न्या. भोबडे यांनी स्पष्ट करत या चित्रपटाच्या प्रदर्शनास मंजुरी दिली.